Wish whatever yOu wanna wish .. cOz all yOur dreams can be reached ... GHADA
... ;) ,,, ;) ...

الجمعة، 11 فبراير 2011

ميدان التحرير الطنطاوي ^^ ...

أنا عاملة زي البنوتة إللي فوق دي مبسووووووووووووطه أوي ^^ ...
إمبارح كانت مناسبتين مايتنسوش
أول الشي .. إنتصار الشعب وإسقاط النظام
وتاني شي .. عيد ميلاد أخويا إللي كان وجهه حلو على المصريين
( حد يقدر ينكر هههههههههه )
وهو في اليمن وبدعيلو بالخير من قلب
وبقوله وحشتني أوووووي
^_^

أنا كنت ناوية اليوم أحط موضوع عن " ميدان التحرير الطنطاوي " .. بس والحمدلله
الأحداث جت على غير المتوقع ^^ ...

بس إسمحولي برضه أحط الموضوع لأريكم روعة شبابنا ...
....................................


ميدان التحرير الطنطاوي ^^ ...

.

ماأجمل أن يمتلك كل منا هدف نصب عينيه ليسعى لتحقيقه ...

فالحياة بلا أهداف وبلا مبادىء كالبئر الذي تبخرت ميائه ...



وهذا مالاحظته في معظم شعب مصر منذ يوم 25 يناير ( الثورة المُشرفة ) .. ماأجمله من شعب ...

أصبح لكل منهم هدف واضح " يحفرالتراب " لكي يلمس تحقيقه بقلبه ^^ ...

حتى من كان يشعر بأنه مسلوب الهوية .. استُردت له هويته وروحه معاً ...



أرواحنا جميعاً أصبحت ترفرف من أجل الوطن ...

وقلوبنا تنبض حُباً وتعاوناً وخوفاً على بعضنا البعض ...



كل منا يتمنى أن يشارك أخواننا في " ميدان الأحرار " ... ولكن

للأسف فكثيراً منا لا يستطيع الذهاب لأسباب عدة ومتفاوتة ...

ولكننا لا ننسى بأنه لا يوجد فرق بين هنا وهناك فجميعها أرض لوطن واحد ...



فبدأوا الشباب بزرع بذرة " لميدان الأحرار " في بعض المحافظات ...

وإن كانت لا تضم أعداد كبيرة .. ولكن لها تأثيرها بالتأكيد ...

وسوف تبدأ هذة البذرة في النمو رويداً رويداً ...



وأنا من سكان محافظة الغربية تحديداً طنطا ...

ولقد ذهبت لموقع الإعتصام أمام مبنى المحافظة ...

فرأيت خيمة منصوبة وشعارات تعبّر بما يجول في عقولنا جميعاً ...

وشباب أعينهم تقسم لنا لن يتزحزحوا حتى يضمنوا لنا حقوقنا وحقوقهم ^^ ...

غمرني شعور بالأمان ممزوج بالفخر لوجودي معهم ^^ ...

ورغم وجود أناس لا تؤمن بقضيتنا وتحاول " تكسير مأديفنا " .. ولكن

لابأس بذلك .. فلكل شيء قيًم مطبات علينا تفاديها بكل سلاسة ...

وألا يكفي أن عين الله علينا وتحرسنا ..؟

فنحن أصحاب حق ^^



ولن أكثر في كلماتي .. فسوف أترك الصور تشرح لكم مع تعليقاً بسيط
( الصور موجودة في الرابط دة )
غادة محسن ^^
11- 2 - 2011
.........................
مبرووووووووك ليكم ياأجدع شعب شافته عنيا
أنا بحبكم أوي أوي أوي ... وليا الشرف إني شاركت
لو بشكل بسيط في إنتصاركم .. وفخورة إني عشت اللحظه دي معاكم ..
وراح أطلب منكم طلب صغنتووووت قد كده ^^ ..
ياريت كل من دخل هنا يدعي لبلاد الحبيبه اليمن
ويارب تخرج من أزمتها
وكنت عماله أفكر ألم الرحال وأروح على هناك وأرجع تاني
:))))
بس إن شاء الله خير وربنا يكتبلها النصر والإستقرار وكل البلدان العربيه
اللهم آميييييييين ...
وأعذروني على التقصير الشنيع المعتاد
على رأي رحاب صالح صديقتي الصدوقه
أنا مدونة كسووله شويتين
هههههههههه
12 - 2 - 2011
( أول يوم في الحرية )
:)

هناك 11 تعليقًا:

  1. هاااااااااااااااا
    اول تعليييييييييق من حوبة حبيبتك
    وحشاني مووووت يا غيودة
    وانا كويسة والله اطمني جدا
    النهاردة احسن ومش راح اروح للدكتور غير لما اشوف الامتحانات هترسي علي اية...؟
    اخوك مين محمد والا وليد...؟
    عموما كل سنة وهو طيب وابقي قوليله اني بقوله عيد ميلاد سعيد وعقبال مليون سنة سعادة
    بجد بقي فرحانة اووي اووي اووي
    لدرجة مش متخيلاها ابدا
    يا رب سلم مصر من كل سوء ويلا نبنيها بحب وسعادة وفرح وانتماء وخوف عليها
    وعقبال اليمن يا غيودة ان شاء الله قريبا
    وفلسطين ان شاء الله

    ردحذف
  2. جمدالله ع السلامة ياغادة
    كل سنة واخوكي طيب وبخير
    وشه حلو فعلا ع المصريين
    :)

    والف مليون مبروك :)

    ردحذف
  3. مبروك لمصر وارجو تيجى ثوره الغضب

    ردحذف
  4. حمد الله بسلامتك يا قمر
    نورتى مدونتك من جديد
    ومبروووك علينا مصر

    ردحذف
  5. تابعت الموضوع كله ما عدا موضو الفيس بوك والصور اللى عليه
    بصراحة أخوكى أبيض فى موضوع الفيس بوك ده ولا يعرف الفرق بينه وبين البامية البلدى

    ثانيا بقى ألف مليون مبروك لكل مصرى ولأخوكى على وجه الخصوص وربنايجعل كل أيامنا أعياد

    تحياتى دوما

    ردحذف
  6. حمد لله على السلامة يا غدغودة وحشتينا كلنا ...
    مبروك رجوع مصر للمصريين ولكل العرب ... غمة وانزاحت
    وان شاء الله نبارك ليكوا قريب جدا ... الشعوب العربية أجدر شعوب بالحرية .. وان شاء الله تنالها قريب
    هنبارك قريب جدا لليمن والجزايروالمغرب وليبيا

    متغبيش علينا تانى

    ردحذف
  7. تان ترران تاتن
    انا الللى بطلب منك طلب اكتبى نوت عن اليمن وعرفينا عنها اكتر عشان ندعمكم اكتر
    وربنا يحررها زينا

    تسلم ايديكى

    ردحذف
  8. مبروك لكل اهل مصر
    مبروك الحريه
    وكل واحد عمل اللي عليه يستحق التحيه

    ردحذف
  9. الف مليون مبروك لأخوكي الغالي ولشعب مصر الغالي

    بأطفاله ونسائه وشبابه الي قال كلمته لكل العالم ووصل صوته للكل

    وعقبال يارب بقية الشعوب تفرح يحريتها قبل موتها

    ولا شيء يصف سعادتنا كأخوان واشقاء بهذا الخبر

    دامت مصر بخير وعمار يابلد العزة والكرامة

    ردحذف
  10. مبروك لمصر
    ومعك حق ترفعي راسك وتفتخري انتم اصبحتم فخر للعرب جميعا
    تحياتي

    ردحذف
  11. مبروك رجوع ام العروبه مصر الغاليه جسد الامه العربيه وتحيا لهؤلاء الشباب الشجعان اتمنى لكى التوفيق ومزيد من النجاح والتالق تحياتى لك

    ردحذف