Wish whatever yOu wanna wish .. cOz all yOur dreams can be reached ... GHADA
... ;) ,,, ;) ...

السبت، 18 سبتمبر 2010

من الدواخل النفس الغداويه .. :((



هو الواحد لما يبقى مبسووط بسبب حاجات كتير ... وتحصل حاجه تانيه تقلب المزاج ده كله

و بيحس إنه عايز يبقى فرحان بس هو برضو متضايق .. يعمل إيه ساعتها ..؟

!!!!

يتجنن .. ولا يقسم وقته شويه يعيش للفرحه وشويه تانيه للحزن إللي جواه ...

ولا يخلي واحد فيهم يطغي على التاني وللأسف غالبا الحزن إللي بيطغي ...

:(

...............

إذا سألتوني ليش بتكتبي ده كله دلوقتي

صدقوني مش هاعرف أجاوب

كل إللي أنا أعرفه إني بزيح حاجه جوايا وبتريحني ...



أنا من طبعي دايما بخلي الفرح والتفاؤل شعاري وبخليهم دايما ينتصروا

غصبا عن الحزن والإحباط والإكتئاب إللي بيصيب الواحد

حتى أكتر إللي حواليا عارفني بكده .. دايما الضحكه موجوده والكلمات المشجعه وقودي



أنا إللي متابعني .. يعرف إني كنت مبسوووطه أوي إمبارح لدرجه إن الفرحه بجد كانت مش سايعاني

عشان الحمدلله نجحت وبجدراه كمان وعشان فرحتي بالنجاح كانت كامله مكمله بنجاح شلتي الحبيبه واحد واحد والحمدلله

بس بعدين حصلت حاجه هي ممكن تكون تافهه قلبت مزاجي 180 درجه

ووجعتني من جوووه أووووي لدرجه إنها خلت دموعي تنزل ...

إللي راح يقرأ كلامي راح يفكر إنها حاجه كبيره

بس هي مش كبيييره خالص وبجد لو حكيت لحد راح يضحك عليا

بس مش عارفه ليييه أثرت فيا أوووووي ... وللأسف كمان مش قادره أحكيها

بفضّل بجد أحتفظ بيها

بس يمكن محتاجه كلمه من كل الناس إللي بحبهم ترجع روحي زي ماكانت

عشان كلامكم بجد مش هزار بيداويني

وعلى رأي كريم " شاب فقري " الفرحه في الفيس بوك أو حتى في التدوين بين الصحاب

عامله زي الفيرس بنعديها لبعض

:)



أنا بتمنى من ربنا إنه يكتبلي الخير دايما ولماما وأخواتي وصحابي وكل إللي بحبهم

ويارب دايما يجمعني بناس بيحبوا بجد من قلبهم ...

وبحمد ربنا على كل نعمه أنعمها عليا

أنا في ناس كتير هنا إن كان في عالم الفيس أو التدوين أو حتى في الكليه بحبهم أوي

وبجد كلامهم بيأثر فيا أوي تأثير إيجابي ونفسي اشكرهم واحد واحد

ربنا يخليكم ليا ...



أنا كتبت التدوينه دي عشان أحس براحه

عشان بحس ساعتها إني بتكلم مع إللي بحبهم

وفعلا بدأ خيط من الراحه يتسلل لقلبي

يمكن دي بداية إني ارجع زي ماكنت

عشان مش بحب خااالص إني أطوّل في المود ده

فياااااااااااااااارب أسعد قلوبنا جميعا ونورها بنور الإيمان اللهم أمين


من دواخل النفس الغداويه


غادة محسن

........................

هناك 12 تعليقًا:

  1. بعد السلام والتحيا
    ربنا معاكي ومعايا

    رغم ان الحزن والفرح حالة نفسيه
    بس في اعتقادي انك بارادة تقدري تشغلي احدهم
    وتطفي الآخر

    لما تكون حزينة إفصلي دماغك .. ونصيحة إقري قرآن وتكون أيات بتوصف الجنه . حالتك الروحانية هتساعدك جامد جدا

    ربنا يخرج جميع المهمومين من همومهم
    واللهم اتنا في الدنيا حسنة وفي الآخرة حسنة وقنا عذاب النار

    ردحذف
  2. بصي يا غاده
    نفس الاحاسيس اللي عندك دي واللي بتتكلمي عنها
    كلنا بنمر بيها كل يوم
    ساعات حد فينا بيلاقي اللي بيسمعه ومنا اللي مش بيلاقي حد غير الناس المحترمه اللي عرفهم من التدوين
    واذا مكناش نقف جنب بعض في الاوقات دي
    يبقي اي لازمة اننا نبقي هنا اصلا
    اكتر حكمة اتعلمتها من حياتي
    لما تحزن اوعي الحزن يكسرك
    ولما تفرح اوعي الفرح ينسيك حياتك
    ان شاء الله ايامك هتبقي احلي
    بس خلي عندك ثقه في نفسك
    وعيشي حياتك زي ما انتي شايفاها
    مش زي ما حد تاني شايفها
    تحياتي

    ردحذف
  3. السلام عليكم
    هى ديه الحياه لحظات فرح ولحظات حزن ولحظات جامعه بين الاثنين يمكن الحزن يكسر الفرح احيانا بس لازم فى حياتنا يرجع الفرح يسيطر من جديد لان الحياه ماتتعاش الا بالفرح
    ربنا يفرج عنا وعتكم الهموم

    ردحذف
  4. مبرووووووووك يا غدغودة يا حلوة ويا تقديراتك الجامدة ربنا يزيدك يا رب نجاح وتفوق دايما يا اغلي صديقة بجد
    مش عايزاكي تفكري ولا تقوللي شيء كل اللي ربنا يقدره كويس والحمد لله علي كل شيء
    لا تخللي شيء يعكر عليك صفو فرحتك يا حبيبتي ولا يقصر عمرها
    ربنا يكتب لك الخير يا رب في كل شيء
    وانا هتصل اطمن عليك انا ساعة ما بعت الرسالة كنت صاحية بس مش حبيت ازعجك عشان انا عارفاك زي حالاتي لما تزعللي من شيء ممش بتحبي تتكلمي الا ما تروقي....طمنيني عليك يا قمرة وان شاء الله خيييير

    ردحذف
  5. يا غادة ربنا يسعدك دايما و تفضلى منورة كل المدونات :))

    بالنسبة لسؤالك عندى ففعلا هى مذكر و المؤنث كلمة تانية غير شائعه بس مش فاكراها لكن كان بيكلم فى الموضوع ده دكتور امراض نفسية و بيكلم عن نظرة المجمتع مش صح للقضية دى


    تحياتي

    ردحذف
  6. الف مليون مبروك وعقبال الدكتوراة
    وحالة الحزن او الفرح ما هى الا حالات عابرة نمر بها
    وبايدينا نستطيع الخروج من حالات الهم والحزن والملجا الوحيد هو الدعاء وقراءة القران
    تحياتى

    ردحذف
  7. ماااااااااالك بس ياغاده

    كلنا كده صدقيني

    السعادة شئ نسبي

    فرفشي كده

    واكتب واحد بوست فرفشه وصلحوا
    واوعي تشربي عصير الا فريش

    تحياتي
    :))

    ردحذف
  8. انا معك ان الكتابة تريح انا قبل ان تكون عندي مدونة كنت عندما احس بالضيق اخذ ورقة وقلم وابدأ اخط عليها كل ما احسه وبعدها أمزقها لكنني اكون قد أفرغت شحنة الضيق التي كانت بي على سطورها
    عزيزتي ربي يفرح قلبك ويبعد عنك كل الضيق
    دمت بكل الود

    ردحذف
  9. اسفه على التأخير

    بس عندكحق

    الحاله النفسيه هى العامل الرئسى

    فى كتابتنا

    سواء فرح او حزن

    ربنا يديم عليك السعادة يارب

    تحياتى

    ردحذف
  10. مبرووووووووووك علي النجاح

    ردحذف
  11. اولا مبروك ثانى و تالت و ألف

    ثانيا: الكتابة لمن يكتب هى إكسير الراحة و السعادة
    و مابالك لو بتكبى على مدونة ليكى فيها أصحاب بجد كل اللى يهمهم سعادتك و سعادة بعضهم .. أصحاب بجد

    ثالثا : لا تنظرى أبدا للخلف المؤلم ..
    فقط حين تتألمى إفتحى نافذة السعادة فى جانب الحياة الأخر
    و يوم ما تحسى بألم .. كلنا هنا جنبك

    ربنا يسعدك دائما

    دمتى بخير

    ردحذف
  12. بجد بشكركم واحد واحد

    مستر بريزدنت .. ضياء .. وتيرز .. وحوبه .. وعمرو يسري .. وأستاذ خالد .. وماما شمس .. ونوجا .. وجايدا .. وأندروميدا .. والشاعر أحمد فتحي ..
    :)

    كلماتكم أسعدتني كثيرا
    وأنا الحمدلله كتير كويسه
    هي حاله وراحت لوحدها

    ربنا يخليكم ليا يااااارب
    ^_^

    ردحذف