Wish whatever yOu wanna wish .. cOz all yOur dreams can be reached ... GHADA
... ;) ,,, ;) ...

الأربعاء، 10 مارس 2010

علاقات هشه ...



كلمات ووعود .. تخرج من افواه لاتعي ماتقول ...
أحلام و طموحات .. نبنيها على أساس هش لايدوم ...

مشاعر وقلوب .. نلعب بهما كأى شىء بذىء ...

فكل ذلك وظائف أ ُناس لا تعرف للأمانة وللصدق طريق ...

فهم محترفون وبارعون في قول كلام معسول

في بدايه حكاياتهم ومغامراتهم ...

أحبك ِ ...

أعشقك ِ ...

لا أستطيع العيش بدونك ِ ...

سأتزوجك ِ وأظل معك ِ إلى الأبد ...

وفجأه ...

تتحول هذه الكلمات والألحان الساحره

إلى قذائف منطلقه من مدافع لا ترحم ..

أعتذر لك ِ ...

لا استطيع أن اكمل معك ِ ...

هناك ظروف أقوى مني ومنكِ

( ماهى هذه الظروف ... الله أعلم ..!! ) ...

حاولي نسياني .. وعيشي حياتك ِ من دوني ...

.

كيف يكون شعورها حينها ..؟!

أيكون كبركان حسبناه خامدا ً

ففارت حممه فجأه ليحرق كل شىء حوله ..؟!

أيكون وكأن روحها تخلت عن جسدها

فلا تشعر بأى شىء حولها ..؟!

أم يكون وكأن هناك خنجرا ً إنغرس في قلبها

فتتمنى أن تلفظ أنفاسها .. ولكن هيهات

فهى مازالت تشعر بكل وخزة ألم ...

أم أنها تشعر بكل ذلك معا ً ...

.

فهى مشاعر مختلطه بين قوه وضعف ...

بين ضحك وبكاء ...

بين كتمان وصراخ ...

كل ذلك يحدث في جسدا ً ضعيف ورقيق

لايكاد يتحمل طعنة تلو الأخرى

فتتحول إلى كيان تسكنه روح بائسه ذات مشاعر ميته ...
.

فكفاكم تطلقون وعودا فى الهواء ...

وتبنون أحلام لم ولن يُكتب لها الحياه ...

..................................

غاده محسن
... ;) ,,, ;) ...

هناك 45 تعليقًا:

  1. رااااااااائع
    بوست رائع
    وفعلا فالحياه في كدا واكتر
    بشوفها حوليا كتير
    وبيحصل ذي ماقولتي كدا وحجات اكتر ميكفيش عنها بوست واحد
    ربنا مع الجميع
    فأذماتهم وبعدها
    تقبلي مروري وتحياتي

    ردحذف
  2. والعكس صحيح... مش لازم "هي" التتجرح بس.. "هو" كمان ياما بيشوف..


    تحياتي

    ردحذف
  3. أول مرة اتشرف بزيارة مدونتك :))

    إحساسك - رغم إنه مليء بالشجن - إلا إنه عالي جداً
    أحييكي بجد .. تسلم إيدك

    ممممممممم .. مش عاوز أكتب تعليق وخلاص على الموضوع .

    " الملتصق بالمرآة لا يرى شيئاً"

    عشان كده غالباً الإحساس ده بيحصل في مرحلة من فوضى المشاعر .. بتبقى فيها الرؤية مشوشة .. فما تحسبينه حباً قد يكون إفتقاد لحالة حنين أو احتياج لعلاقة .. يعني إدراك مغيب .
    قد تصادف - مع الأسف - من لا يستحق أو لا يُقدر .. وتنتهي بالجملة الممجوجة .. اللي بتنزل زي تتر النهاية :

    كل شيء نصيب !!

    تقبلي مروري

    خالص تحياتي
    :))
    سلام

    ردحذف
  4. غااااادة محسن
    وحشتينا يا بنتي مطوله الغيبه قوي ... ع العموم حمد الله ع السلامه

    كلامك جميل قوي يا غاده مؤثر لأنه يمس كتير جدااا مننا ومن الي حوالينا

    وعندك حق طبعا لما يكون خلاص حسيتي خلاص بحب الشخص وانه كلاص ملكك وملك قلبك في ثانية يطلع كلام ومجرد كلام يحرق القلب ويوجعه

    كلامك بجد جميل وحساس قوي.......

    تسلمي يا قمر ودمتي بألف خير

    ردحذف
  5. غادة حبيبة قلبي يا قمر
    ههههههههههههههههههههههههههههههه
    عارفة بضحك ليه ؟؟
    علشان فعلا اللي في الصالون ليهم حق يضربوكي
    هههههههههههههههههههههههه
    و كويس انك طلعتي منها سليمة
    يا عدوة الرجل
    ههههههههههههههههه

    بس بصراحة بوست جميل اوي و احلى ما فيه انه واقعي في حياتنا بجد

    ربنا يبعد عنك و عننا و عن كل الناس اي حاجة وحشة يا رب

    خلي بالك من نفسك

    خالص حبي و حبي و حبي

    ردحذف
  6. فهى مشاعر مختلطه بين قوه وضعف ...
    بين ضحك وبكاء ...
    بين كتمان وصراخ ...
    كل ذلك يحدث في جسدا ً ضعيف ورقيق
    لايكاد يتحمل طعنة تلو الأخرى
    فتتحول إلى كيان تسكنه روح بائسه ذات مشاعر ميته ..."

    حلو وصف المشاعر ده يا غادة... صعبة... لما يبقى جوانا حزن شديد ونبين غير كدة... لما نضحك ونبكى فى نفس الوقت.. ده أصعب احساس بيوجع فى العالم

    عارفة المشكلة بقت فى ان صدق "الكلمة والوعد" بقت حاجة نادرة أوى
    الرجل "كلمة" ثم فعل ... كلمة صادقة.. مفيش كلمة .. مفيش راجل

    دمتى بخير .. ومتحريمناش من كتاباتك الواقعية دى

    ردحذف
  7. انت هنا تتكلمين بلسان الانثى لكن تعلمين ليست وحدها من تطعن بهذا السهم هو ايضا يطعن به يبني معها الاحلام والامال وعندما يأتيها العريس الجاهز تقول له اعذرني مفيش نصيب

    ردحذف
  8. غاده

    -*-*-*

    اول زياره لنا وان شاء الله مش الاخيره

    بوست تحفه بجد تسلم الايادى

    كلامك واقعى اوى اوى

    لنا عوده مره اخرى ان شاء الله

    ردحذف
  9. القصص دي يا دودو اسمها اشتغالات

    ساعات احنا نفسنا بنساعد نصاب انه يشتغلنا
    تسأليني ازاي اقول لك
    بنكون عاوزين نعيش الحالة
    وساعات برائتنا متقدرس على قياس كم الخداع
    بس الجميل ان كل طريق بنمشيه
    كل غلط بنغلطه
    كل نصاب بننخدع فيه
    بيكون مرة واحدة بس

    فيه قلوب بتتعلم من تجارب الأخرين
    وفيه قلوب لازم تذوق التجربة بنفسها
    وفيه قلوب مهما ذاقت طلبت مزيد من الخداع

    ربنا يجعل كل منا صدقا لكلام رسول الله صلى الله عليه وسلم
    المؤمن كيس فطن

    ردحذف
  10. الجرح
    فعل متبادل
    ولا حل له
    تحياتى

    ردحذف
  11. كلام واضح وجميل

    صدقتى هذة هى الحقيقة التى تجهلها الكثير من البنات

    يدوم التواصل مدونتك جميلة أوى

    تحياتى

    ردحذف
  12. غيوده حبيتى
    وحشتينى اوى
    اكيد اللى وصفتيه مكنش حب
    كان تسليه ووقت بيضيع فى قضاء مشاعر
    وحاله شبه حاله الحب
    وصدقينى كمان تدين تدان
    اكيد اللى بيعمل كده هيشرب من نفس الكاس
    والانسان عايش يتعلم واكيد النسيان مش بسهوله
    اتمنى ميكونش دا احساسك ومتكونيش مريتى بالمواقف دى
    مع خالص حبى وحبى
    واكتبى فرفشه بقا ايه حكايه النكد المنتشرة دى
    هههههههههههههه لاحسن اجى ارضبك
    وحشانى جدا جدا
    امووووووواه
    بس هى دى الحياة اننا نقع ونقوم
    ننجرح ونضمد جراحنا بادينا
    بس لازم الحياة تستمر
    والاشخاص اللى زى دى لا يمكن البكاء عليها

    ردحذف
  13. كلماتك جميلة اوى ورقيقة

    وفعلا صح جداوده اللى بيحصل فى الحياه

    تسلم ايديكى


    تحيتى ومودتى

    ردحذف
  14. ايه كم الحزن والغضب ده

    زمان قالوا صاحب العقل يميز

    ولو ان نصابين الحب برعوا في الخداع وتفوقوا علي القلوب والعقول

    سلامي

    ردحذف
  15. sOny2000 ...

    بشكرك كتير ...
    وفعلا الكلام ده واقعى جدا ...

    ويارب ماحد يمر بيه بجد ..
    انا بكتب من اللى بشوفوا حواليا ...

    بجد مبسوطه بوجودك ...

    منورانى
    ... ;) ,,, ;) ...

    ردحذف
  16. سمع هص .. ابو على ...

    انا متفقه معاك طبعا ان مش بس
    الانثى اللى بتتجرح والدليل البوست
    اللى انا كاتباه قبل ده .. انا كاتباه للشباب ...

    هى بتبقى على حسب شخصيه البنى ءادم نفسه
    سواء كان بنت او ولد ...

    بس دى انا كتبتها متاثره بحكايات حواليا ...

    بشكرك على وجودك وتعليقك ...
    نورتنى ...
    ... ;) ,,, ;) ...

    ردحذف
  17. PASHA ...

    بجد مبسوطه بوجودك وتعليقك الرائع ...

    هى فعلا غالبا بتبقى علاقات مشوشه ...
    بس فى الحاله اللى انا كاتباها هنا
    البنوته هى بتعطى كل ماعندها من حب لانها
    كانت مصدقاه تماما ... بس هو كان مجرد بيتسلى وبس ...
    وطبعا المسأله هنا نسبيه انا مش بعمم ...

    بشكرك كتير ...
    نورتنى ...
    ... ;) ,,, ;) ...

    ردحذف
  18. الطير العاشق ...

    فريده بجد وحشانى ...
    غصبا عنى والله بتأخر ...
    انا ايام الدراسه بكتب اكتر من كده :)))
    الاجازه وخدانى شوى ...

    فعلا للاسف بتحصل الحاجات دى بكثره
    ربنا يحفظنا يارب ...

    بشكرك كتير على إطرائك حبيبتى ...
    منورانى
    ... ;) ,,, ;) ...

    ردحذف
  19. الوفيه للابد ..

    مهموهه ههههههههههههههه
    ضحكتينى والله .. شوفتى ياختى اللى جرالى

    انا البوست اللى فات وقفت جنبهم
    لا يعجبهم العجب ولا الصيام فى رجب
    هههههههههههههههههه

    بس فعلا والله الكلام ده بيحصل كتير الايام دى..
    وانا ماكتبتش الكلام ده الا عشان اتأثرت من اللى بيجرى حواليا ...

    منورانى دايما ياعسوله
    ربنا يسعدك دايما ...

    ... ;) ,,, ;) ...

    ردحذف
  20. شيماء ...

    ازيك ياشوشو يارب تكونى فى احسن حال ...

    بشكرك كتير على تعليقك ...

    وبجد صدقتى مفيش كلمه مافيش راجل ...

    منورانى بجد ياقمرايه ...
    ... ;) ,,, ;) ...

    ردحذف
  21. خواطر شابه ...

    اكيد طبعا المرأه ليست وحدها من تنجرح وتنكسر
    فى علاقات الحب ...هو ايضا ينظلم كثيرا ...

    وبوستى اللى قبل ده انا موضحه الشى ده بالنسبه للشباب ...
    بس انا كتبت ده عشان شوفت بعينى مؤخرا بيحصل ده لبنات ...

    بجد منورانى ... وبشكرك كتير

    ... ;) ,,, ;) ...

    ردحذف
  22. لولا وزهراء ...

    بجد نورتوا مدونتى المتواشعه :)

    ومرحب بيكم فى اى وقت ...

    وبشكركم كتير على هالاطراء ...

    وربنا يبعدنا عن اى علاقات هشه لاتدوم ...

    فى انتظاركم دائما ...

    ... ;) ,,, ;) ...

    ردحذف
  23. ستيته حسب الله الحمش ...

    اللهم امين .. وعليه افضل الصلاه والسلام ...

    بجد يادكتوره كلامك صح كتيييير ...

    وكلها بتعتمد على الشخصيه ...

    بجد كل اللى بيصير حواليا الايام دى بستغربه كتير .. بجد ربنا يحفظنا ..

    منورانى يااحلى دكتوره
    ... ;) ,,, ;) ...

    ردحذف
  24. blue-wave ...

    هلا دكتور عمر ...

    فعلا متبادل كلا على حسب ...
    ربنا يحفظنا ويبعدنا عن العلاقات الهشه التى لاتدوم ...

    بشكرك على تواجدك ...
    ... ;) ,,, ;) ...

    ردحذف
  25. سلسبيل ...

    هلا بيكى منورانى بجد

    بجد تعليقك الاجمل بشكرك كتير ...

    وربنا يهدينا جميعا لكى لانقع فى مثل هذه الاخطاء ...
    واكيد راح يكون تواصل ...
    نورتينى
    ... ;) ,,, ;) ...

    ردحذف
  26. ايمى مونى ...

    انتى وحشانى اكتر والله ...
    ومش عارفه امتى مكتوبلى اشوفك بس ..

    بجد براااااااافو .. حبيت كلامك كتير ...

    والنكد داير على كله بعيد عنك
    ههههههههههههههههه
    بس ماتقلقيش ومن غير ضرب التقيل جاى بعدين

    والحمدلله هذه مجرد خاطره ليس اكثر ..
    ماهى الا تأثرا باللى بيجرا حواليا ...
    ربنا يحفظك يارب ويحفظنا ...

    منورانى بجد يااحلى كوكوووووو
    مواااااااه
    ... ;) ,,, ;) ...

    ردحذف
  27. Ms Venus ...

    تسلميلى يارب ...
    بجد بشكرك كتير ...

    وفعلا الكلام ده بيحصل كتير
    ان كان للشباب او البنات ...
    ربنا يهدينا ..

    منورانى بجد ...
    ... ;) ,,, ;) ...

    ردحذف
  28. شمس النهار ...

    ده كم غضب على اللى بيجرا حواليا من عجائب وغرائب ..

    فى كتير ناس بقوا بيتقنوا التمثيل
    ماحدش بقى بيعرف يميز .. فربنا يحفظنا بجد ...

    بشكرك كتير
    ومنورانى ...
    ... ;) ,,, ;) ...

    ردحذف
  29. هيا دى الحياة فيها الحلو والوحش فيها من جميع الاشكال والالوان

    ربنا يوفقك ويكرمك

    مع خالص تحياتى

    ردحذف
  30. تامر نبيل ...

    هلا بيك والله ...

    صدقت فى كلامك فعلا هى دى سنه الحياه ...

    ربنا يكرمنا ويوفقنا جميعا اللهم امين ...
    بجد بشكرك كتير ...

    نورتنى ...
    ... ;) ,,, ;) ...

    ردحذف
  31. بصى يا غاده
    المشكله فينا اننا اما بنحب بيبقى حبنا كل حياتنا محور اهتمامنا بننام و نقوم وهو فى عينينا
    بنصحى نفكر حنتكلم فى ايه حنفكر فى ايه
    حنرضى اللى بنحبه ازاى
    و اخر حاجه بنفكر فيها ان ممكن اللى بنحبه ده يجرحنا لاننا بنكون سايبين ايدينا و مديين امان على الاخر
    عشان كده ساعه الضربه ما بتيجى بتبقى قاتله جارحه قوىىىىىىى
    و بتسيب اثر فى النفس و الروح صعب انه يشفى بسهوله

    ربنا يبعد عننا الجرح و ميخليناش ابدا مجروحين

    ردحذف
  32. دكتوره علا ..

    بجد كلامك ده اللى بيحصل ميه بالميه ...

    بجد بشكرك كتير على تعليقك الرائع والواقعى ...

    وبجد فعلا ياااااارب يبعد عنا الجرح ويحفظنا يارب ...
    بجد نورتينى يااحلى دكتوره ...
    ... ;) ,,, ;) ...

    ردحذف
  33. السلام عليكم

    طبعا الكلام كله منطقي وبيحصل فعلا

    لكن لو حللتيه هتلاقي انه احساس بيتقال بوقته لانه ممكن يتحس بجد

    وممكن زي ما قلنا قبل كده خداع وتسلية وتضيع وقت وخيانة للنفس والغير

    موضوعك مهم جدا وشكرا لك لطرح الموضوع

    تقبلي تحيانى

    ردحذف
  34. السلام عليكم ورحمة الله وبركاته

    هذه أول زيارة ليه في مدونتك الرائعة جداً بجد

    ويسرني لو شرفتي مدونتي

    وجزاك الله خيراً علي الموضوع هواا طويل شوية بس حلو

    ردحذف
  35. وعلفكرة أنا ضفت مدونتك عندي في المدونات التي أتابعها

    وأنا المتابع إلي إسنه diaa_200099

    ردحذف
  36. معاكى حق فى كل اللى بتقوليه و فعلا فيه نماذج كتير اوى كده بس مش لمفروض نزعل عليهم و لا نتألم بالعكس نحمد ربنا ان هذا تم كشفه مبكرا و لو نسبيا



    دمتى بحب

    ردحذف
  37. حلو جدا اختى الموضوع وبجد بقى شائع أوى اليومين دول والشباب معتش عندهم أى تحمل مسؤلية

    ردحذف
  38. أيوة الكلام ده بيحصل فعلا في الواقع كتير..يبقى حله إيه؟
    الإختيار السليم من الأول المبني ع العقل قبل العاطفة
    تحياتي

    ردحذف
  39. ذو الوجه المبتسم ...

    وعليكم السلام ...

    بجد كلامك صح استاذ ناجي ...
    بجد ربنا يحفظنا

    بشكرك كتير
    ... ;) ,,, ;) ...

    ردحذف
  40. فلسطيني ...

    وعليكم السلام ورحمه الله وبركاته ...

    بجد بشكرك على إطرائك ...

    ومنورنى بجد ...

    وان شاء الله فى تواصل دائم ...

    ... ;) ,,, ;) ...

    ردحذف
  41. Tears ...

    هلا حبيبتي ...

    بجد كلامك صحيح ميه بالميه ...

    بس في ناس بتبقى متعشمه فى اللى قدامها بدرجه كبيره .. فابتبقى الصدمه كبيره عليها
    ربنا يحفظنا يارب
    بشكرك حبيبتي ...

    ... ;) ,,, ;) ...

    ردحذف
  42. عامله ناصحه ...

    ربنا يهدي شباب المسلمين يارب

    بشكرك على تعليقك ...

    وعلى فكره حابه اسمك كتير .

    نورتينى
    ... ;) ,,, ;) ...

    ردحذف
  43. micheal ...

    اول شى بجد منورني بوجودك ...

    وانا فعلا بحب الاشياء اللى بتتبني بالعقل اكتر من العاطفه .. فهى ِأمنه اكتر ...

    بس مين راح يسمع ...؟!!

    بشكرك كتير على مرورك ..

    ... ;) ,,, ;) ...

    ردحذف
  44. مش ممكن يا غادة بجد
    رااااااااااااااائع
    الموضوع دة بجد تحفة وبجد انت اجدتي الوصف , زعلت لما النت فصل ومعرفتش اكتب لك تعليق بس بجد انت اختارتي موضوع شائع جدا خاصة ان اليومين دول كله ماشي علي علاقة حب وعلاقة خطوبة وعلاقة زواج مش علاقة واحدة بتجمع الكل وان الحالة الاقتصادية عندنا هي السبب الرئيسي يمكن او يمكن انفتاحنا علي العوالم الاخري اللي تتيح تعدد العلاقات او علاقاتهم هشة غيرنا لاننا نقدس علاقة الزواج عكسهم تماما
    احييكي علي االموضوع الرائع

    ردحذف
  45. رحاب صالح ...

    إنتي الأروع والله ياحوبه حبيبتى ...

    وطبعا الزمن اللى إحنا فيه ... بتحصل فيه اللى عمري ماكنت أتوقع أنه يحصل إلا فى المسلسلات والأفلام ...

    بجد زمن يخوف ... إن كان بسبب الشباب أو حتى البنات ...

    ربنا بجد يحفظنا ياااااااااارب ..

    بجد بشكرك حبيبتى ...
    ... ;) ,,, ;) ...

    ردحذف