Wish whatever yOu wanna wish .. cOz all yOur dreams can be reached ... GHADA
... ;) ,,, ;) ...

الجمعة، 26 مارس، 2010

باقة زهور سنتي الجديدة ...

.

كم هو مُخيف عندما نشعر بأن أيامنا تجري وتسابق الرياح بلا توقف ...


فترى نفسك أصبحت في مرحله أخرى وبشكل أخر وبلمح البصر ...


حينها إما أن تكون راض ٍ عن نفسك أو تهتم برضاء جميع من حولك ...


بمعنى أخر ترى نفسك كما أنت تريد أن تراها أو كما يريدها غيرك ...


فالخيــــــــــــــــار لك لوحـــــــــــــــــــدك ...

..

إن أيام السنه عبارة عن باقة زهور أوراقها تذبل يوما ً بعد الأخر ...


ولكنها تظل زهورا ً بمعناها الجميل ذات الرائحه العطره ...


دعونا نرى ...


هناك 365 زهرة قطفتها في كل يوم من أيام عمري ال 23 ...


بعضها مازالت برونقها ورائحتها بل وكل يوم تزداد جمالا ً ...


والبعض الأخر ذبلت وتساقطت أوراقها وكأنها شىء لم يكن ...

..
مجموعة أزهاري المُبهجه .. وهي حصاد لأشياء أسعدتني ...

ومنها : تجربتي الأولى كمحرره متدربه ومندوبة إعلانات في إحدى المجلات

لم تكن تلك التجربه ناجحه كثيرا ً ولكنها زرعت بداخلي الشجاعه والجرأه ...

وبعد ذلك تجربتي الحاليه كمحرره متدربه أيضا ً فى إحدى الجرائد ...
..
ومن أجمل أزهاري وأزكاهم رائحه .. وهى أيام حفل زفاف أختي

وهى أول من كسرت قاعدة عدم الزواج في عائلتنا

كانت من أسعد أيام حياتي وأجمل لحظات عندما رأيتها كأميرة متوجة في عرشها

لا اريد أن أبالغ .. ولكنها كانت أجمل وأروع عروس رأتها عيناي

( عقبالكم ياأخواتي كلكم يااااااااااارب ... )

..

ومن أزهاري ذات الرائحه الأبديه ...

هو تعرفي على أ ُ ناس زادوا إلى حياتي علم ودين وصداقه وروح إيجابيه ...


إن كان من خلال المقابلات فى الصالونات الأدبيه او من خلال كلماتهم في مدوناتهم ...

( بجد السنه دي أكتر سنه إتعرفت فيها على أصدقاء ذات قيمه من جميع الأعمار وعمري ماراح أندم إنهم دخلوا حياتي :) ... )

وغيرها من الأزهار التي جعلت أكثر أيامي مبهجه .. ولكن أفضل بأن أحتفظ بها لنفسي في صندوق ذكرياتي :) ...

..
أما من أزهار أيامي البائسه والتي ذبلت لإهمالي لها ...

منها وأهمها إهمالي في التقرب إلى الله أكثر وأكثر ...

وهناك أيام مرت عليّ لم أشعر بها فخسرتها ...

وفقدت ُ أشخاص تركوا بصمه في حياتي بعضها بصمة جيده والبعض الأخر سيىء ... ( يوم ليك ويوم عليك ... )

..

أما عن أ ً منياتي في باقة أزهاري الجديده ...

هي التقرب إلى الله إلى أقصى درجه ...

أن أتفوق في دراستي وعملي ...

أن أقضي رمضان مع جميع إخوتي ...

أن أنجز شىء مميزا ً يسعدني ويسعد جميع من حولي ...

وغيرها من الأمنيات التي أحتفظ بها في مُخيلتي ...

..................................

في نهاية الرغي ده كله ...

عايزه أقول إن عمري 23 كان حلو كتيييييييير ومميز

وبتمنى إن 24 يكون أحلى وأحلى بإذن الله ...

كـــــل ســــــنه وغــــــدودي طيــــــوبه

( إيه بدلع نفسي في مانع :))) ... )


غاده محسن
26-3-2010
... ;) ,,, ;) ...




هناك 39 تعليقًا:

  1. كل لحظة وأنتِ
    بألف خير ياغادة
    وعيد ميلاد سعيد
    وعمـــــر مـــديد
    إن شــــــــاء الله

    ردحذف
  2. بس ايه دا
    ياغادة أنتى
    حتاكلى علينا
    التورتة ولا ايه؟
    طب حتى ساندوتش
    شاورما وكوباية
    عصير حتى نبل ريقنا:)

    ردحذف
  3. لأ مفيش مانع
    انا سخصيا بدعلك يا غدغودة
    و علطول
    مش عيد ميلادك بس
    كل سنة و انتى طيبة يا حبيبتى
    سنة حلوة جديدة عليكى ان شاء الله
    و مزيد من الازهار ف بستانك
    كلها نابضة و مشرقة
    تحياتى و حبى

    ردحذف
  4. كل سنه وانتي طيبه
    وكل سنه وانتي اقرب لربنا
    وكل سنه وانتي اقرب للدنيا وفرحانه بيها يارب
    ويارب ديما تكوني فرحانه علطووووووووول
    وعقبال مليون سنه الا46346 يوم بس
    ههههههههههه
    دا علشان القررررررر:)

    ردحذف
  5. كل سنة وانتي بخير وصحة وسعادة...
    هابي بيرس داي تو يوووووو
    هابي بيرس داي تو يوووووو
    هابي بيرس داي تو يوو يا غادغود..
    هابي بيرس داي تو يووووووووووووووووووووو

    ههههههههههه

    ردحذف
  6. غادة يا جميلة

    كل ثانية وانتى بخير ورائعة دايما يارب


    ويارب كل ايامك تبقى برقة وجمال الزهور

    بالتوفيق دايما فى حياتك

    ردحذف
  7. كل سنة وكل يوم وكل ساعة ودقفية وثانية ولحظة
    وانت حبيبة لقلبي وصديقة لي جميلة وناجحة ومحققة كل شيء تتمنيه, بجد الواحد مش بيحس بالعمر واذا حسبناها هنلاقينا بنعيش بطريقة عكسية يعني بنعيش وعمرنا بينقص مش بيزيد, كنت زمان احب ادلع نفسي بفسحة وهدية لنفسي في عيد ميلادي دلوقت مش بعمل ده بس بقيت احب اي وقت واحب اني استغله صح وكل يوم بحس اني انضج من اللي قبله وبصراحة برغم كل شيء مش حبلو بيحصل في البلد ومضايقني بس حاسة اني بتعرف بناس كتير حلوة بيخففوا عني وانت طبعا اهمهم يا غادة
    عيد ميلاد سعيد ويارب فلرحتنا تكون احسن واحسن بالنتيجة ان شاء الله

    ردحذف
  8. كل سنة وانتي طيبة يا دودو
    ربنا يرزقك عمرا مديدا
    وقلبا حديدا
    ورزقا واسعا
    وزوجا ابن حلالا سعيدا :)

    ردحذف
  9. عاااااااااااااااااااا
    انا هنا من الفجر و مكنش فيه غير تعليقين بتوع نور و الصفحه مكنتش راضيه تفتح تعليقات

    كل سنه و انتى طيبه يا دوده
    و ربنا يكتر وردك و افراحك
    و اشوفك عروسه زى اختك
    و على فكره انا كمان مبسوطه انى اتعرفت عليكى

    ردحذف
  10. كل سنة و انتي طيبة يا دودو يا قلبي يا رب
    و عقبال مية مليون سنة يا رب

    و على فكرة انتي بنوتة عسل اوي اتشرفت ان جه يوم في حياتي و اتعرفت عليكي يا قلبي

    بجد انا حبيتك اوي و بحبك اوي
    و انتي فعلا اختي بكل معنى الكلمة

    ربنا ما يحرمنيش منك
    و من كل قلبي بتمنالك كل يوم يمر في حياتك يمر في سعادة و صحة و راحة بال
    و ربنا يوفقك و يكرمك بابن الحلال اللي يسعدك اكتر و اكتر

    خالص حبي و حبي و تقديري

    ردحذف
  11. يا حبيبتى ربنا يخلى ايامك كلها سعيدة و مبهجة

    بس عارفه انا مش متفقة مع ان الانسان بيخاف لما الايام بتجرى...جايز لانى مش كده و لا اخشى العمر و لا الموت فلست متمسكة بالحياة كثيرا بل اراها فرضت عليه


    دمتى بخير دائما

    ردحذف
  12. كل سنه وانتى طيبه يا غدغوده
    وعقبال 100 سنه وانتى اقرب الى الله
    طاعه وحب ربنا يبارك فيكى ويحلى ايامك

    ردحذف
  13. كل سنه واجمل وارق واطيب دودو طيبه

    كل سنه وانتي طيبه يا غاده

    والسنه الجايه تحققي باذن الرحمن كل امنياتك
    واحلامك

    وتقابلي بالمره نصك التاني

    كل سنه وانتي اقرب لربنا من اللي قبلها

    وكل سنه وانتي من اقرب المدونين واخت عزيزه
    عزيزه مين عديها

    كل لحظه وانتي في خير وامان وحب وسعاده

    ردحذف
  14. كل سنة وانتى طيبة وعقبال مية سنة

    ردحذف
  15. مقدمة حزينة نوعاً ما ..

    بس كلام موزون ومليان أمل وحب للحياة وروح تنافسية حرة ..

    كل سنة وإنتي طيبة ياأختي العزيزة الطيبة .. وكل لحظة وإنتي أسعد فيها ..

    ردحذف
  16. دودووووو
    ههههههههههههه عارفه انى جايه متأخرة
    بس انا قلت لك كل سنه وانتى طيبه ياحبيتى
    ويارب ماانحرم منك طول العمر ونفضل اصحاب دايما
    ربنا يسعد ايامك ياقلبى

    ردحذف
  17. nOrahaty ...

    وإنتي طيبه وبخير وسعاده اللهم أمين ...

    هو أنا أقدر أكل لوحدي بس .. ده حتى اللي ياكل لوحدوا يزور ههههههههه

    هابقى أبعتلك نصيبك لحد المدونه عندك :) ..

    بجد بشكرك على ذوقك ومنوراني ...
    ... ;) ,,, ;) ...

    ردحذف
  18. فاتيما ...

    وأنا بحب الأسم ده منك أوووووي بجد ...

    وإنتي في سعاده وبخير ودايما معانا ومنورانا ياأحلى فاتيما ...

    بجد بشكرك على كلامك اللي بيفرح قلبي دايما ...

    ... ;) ,,, ;) ...

    ردحذف
  19. sOny2000 ...

    هههههههههه ضحكتيني والله ...
    بحب فيكي الدقه :)

    وكل سنه وإنتي بنوته طيوبه وبخير وسعاده يارب
    ربنا يسعد ايامك ياقمر ...

    بشكرك كتير حبيبتي وأختي الصغيره ...
    ... ;) ,,, ;) ...

    ردحذف
  20. سمع هوص ...

    يلا حالا بالا بالا حيو ابو الفساط
    هايكون عيد ميلاده الليله اسعد الاعياد .. فليحيا أبو الفساط هيييييييه
    هوووووووووف ( بطفي الشمع :)) .. )

    أهو عملنا عيد ميلاد ولا أجدع هههههههه

    بشكرك كتير ابو علي ..
    وكل سنه وإنت بصحه وسلامه اللهم أمين
    ... ;) ,,, ;) ...

    ردحذف
  21. Ms Venus ...

    وإنتي بسعاده وحب وخير يارب ..

    بشكرك على كلماتك الرقيقه حبيبتي ...

    ... ;) ,,, ;) ...

    ردحذف
  22. رحاب صالح ...

    كل سنه وإنتي بخير وسعاده وناجحه ومبسوطه ودايما معايا ياااااااارب ...

    بجد من أهم الأسباب الحلوه في يوم عيد ميلادي هي إتصالك ليا والرغي اللى بنرغيه فى الموبايلات :)

    بجد بحبـــك أوى يأحوووووبه ... ويارب دايما مبدعه ومتفوقه ...
    وفعلا أحلى شى الواحد يعيش ويستفيد في اللحظه اللى هو فيها ومنحسبهاش خالص ...

    نورتينى حبيبتي
    ... ;) ,,, ;) ...

    ردحذف
  23. ستيته حسب الله الحمش ...

    وإنتي بخير وسعاده وصحه وسلامه يااااارب ...

    بجد بجد عيد ميلادي إحلو بكلامكم اللى طالع من القلب ...

    بشكرك كتير على ذوقك يادكتور ...

    ... ;) ,,, ;) ...

    ردحذف
  24. صيدلانيه طالعه نازله ...

    هابقى أدي المدونه علقه محترمه عشان تعبتك :)

    بس ولا يهمك ... تعليقك ده وساااام على قلبي بجد يادكتوره ...

    وكل سنه وإنتي بصحه وسلامه ...

    وبشكرك كتييير على كلامك الحلو ..
    وبجد إنتوا ضفتوا لحياتي معنى جديد ...

    ... ;) ,,, ;) ...

    ردحذف
  25. مهموهه ...

    بجد أنا دموعي نزلت ..
    قوليلي بعد الكلام الحلو ده أرد أقول إيه ..؟

    بجد وأنا بحبك كتيييير ومن أكتر الناس اللى إرتحتلك بسرعه أوى ... عشان إنتي طيوبه وبتدخلي القلب بسرعه بعفويتك وخفة دمك ...

    بجد ربنا يخليكى ليا ...
    وكل سنه وإحنا دايما مع بعض مهما فرقت بينا بلاد ...

    بجد بشكرك كتير ياأحلى مهموهه ..
    ... ;) ,,, ;) ...

    ردحذف
  26. Tears ...

    وربنا يحلي ايامك كلها ويجازيكى دايما خير اللهم أمين ...

    أنا الأيام مابتهمني أو حتى عمري كام صار ... كل ده مش مهم ... أنا اللى قصدته على أعمالي اللى راح أقابل فيها ربنا والحاجات اللى المفروض أكون منجزاها على أكمل وجه ..

    الخوف اللى جواتي كله من ربنا ... يمكن عشان أنا إعترفت إني حاسه إني مؤخرا قصرت في حقه كتير ...
    وبجد ناويه أصلح كل ده ... عشان ماحدش ضامن العمر .. وربنا يهدينا كلنا للخير ولنور الإيمان اللهم أمين ...
    إدعيلي ...

    بشكرك كتير تيرز ...

    ... ;) ,,, ;) ...

    ردحذف
  27. حنين ...

    وإنتي بخير وسعاده وطمئانينه ياااارب ...

    وبجد دي احلى دعوه بحبها إن أكون قريبه من ربنا ... ربنا يتقبل وربنا يهدينا جميعا يارب ...

    بشكرك كتير على ذوقك حنون ...
    ... ;) ,,, ;) ...

    ردحذف
  28. هي وظروفها ...

    وليد باشااااااا
    أخيرا ظهرت في مدونتي ...
    والله وتعليقاتك ليها وحشه ...

    كل سنه وإنت طيب وبخير وسعاده يارب ...

    بجد مش عارفه اقولك إيه ...
    بجد بشكرك كتيير على ذوقك ...
    وربنا يسعدك وتحقق امانيك في الخير يارب ...

    ومتبقاش تغيب عن أختك :) ..

    نورتني ...
    ... ;) ,,, ;) ...

    ردحذف
  29. شريهان ...

    وإنتي طيبه وبخير وسعاده يارب ...

    بشكرك كتير حبيبتي
    ومنوراني ...
    ... ;) ,,, ;) ...

    ردحذف
  30. غير معرف ...

    اللى هي رانيا أختي وحبيبتي ...

    وإنتي طيبه وبخير وحب وسعاده ...

    أنا بجد عيد ميلادي مش بيحّلو الا بيكوا ...

    ربنا يخليكي لياااا يارنوووون يارب

    بحبك أوى
    ... ;) ,,, ;) ...

    ردحذف
  31. إيمي موني ...

    تعالي في الوقت اللى إنتي عايزاه حبيبتي ..

    وإنتى من أوائل الناس اللى قالولي ...

    ربنا يخليكى ليا يارب
    وربنا يديم الود بنا اللهم أمين ...

    ... ;) ,,, ;) ...

    ردحذف
  32. انا مبسوطة جدا ان اول مرور ليا ف المدونة الجميلة دي يكون في الايام الاولي من عمرك ال 24 :)

    كل عام وانتي طيبة والي الله اقرب

    وتحققي كل اللى بتتمنيه ناجحة ف دراستك وعملك ومايمنعش لما يكون في الحب الحب الشوق الشوق :D

    ربنا يكرمك ومدونتك جميلة جدا ..

    ارجو ان نظل علي تواصل دائما

    ردحذف
  33. اولا كل سنه وانتى طيبه ويارب السنه دى تحققى اللى نفسك فيه

    ثانيا: انا كنت عمال افكر يوم عيد ميلادى اكتب ايه فى المدونة ومالقتش حاجه اكتبها فقولت لما يبقى يجى لسه فاضل 3 شهور
    بس انتى بصراحة كتبتى باسلوب حلو قوووووووووى قووووووى واختصرتى السنه اللى فاتت باسلوب عبقرى فى الكتابه واللهى بجد كلامك شدينى جدااا انى اتابعه للاخر
    بجد احستنى يا رئيس التحرير
    دا لقبك الجديد

    ردحذف
  34. كل سنة و أنت طيبة

    يا أحلى غادة ويارب

    تحققى كل ألى بتتمنية فى السنة الجديدة

    ويكون 24 أحلى من 23

    و أهدى لك أغنية عيد ميلاد الليلة مين

    ههههههههه كل سنة و انتى طيبة

    ردحذف
  35. كل سنة وانتى طيبة جميييييييييل
    ودلعى نفسك دلعى
    هو حد لاقى دلع الايام دى
    عوووووووووووو

    ردحذف
  36. أعقل مجنونه ...

    أول شي بجد إسمك الحركي حلو كتييييير

    وكل سنه وإنتي بخير وسعاده يارب ...

    وبشكرك كتير على كلامك الحلو كتير

    ولما يبقى يجي الحب والشوق والبلوبيف كمان هابقى اعطيكو خبر ههههههههه

    منوراني بجد واكيد راح يكون في تواصل

    بشكرك كتير

    ... ;) ,,, ;) ...

    ردحذف
  37. صاحب عمود نور ...

    هلا والله بشاعرنا ...

    وإنت طيب إن شاء الله وبخير وسعاده ...

    بجد أنا كمان ماكنتش عارفه إيش أكتب ... كانت في حاجات كتير في بالي وكنت حاسه إني راح أعُك ... فحاولت أكتب إللي قدرت عليه ...

    وبجد مبسوطه إنها عجبتك .. وبشكرك على إطرائك الذي أسعدني ...

    ورئيس تحرير مره واحده ... يسمع منك ربنا .. مع إن مشوارها طوييييييل ...

    ربنا يسعدك وتحقق إللي إنت عايزه

    نورتنى
    ... ;) ,,, ;) ...

    ردحذف
  38. سلسبيل ...

    وإنتي طيبه و بصحه وسلامه ياعسوله إنتي ...

    وبشكرك على كلامك ...

    وميرسى على الأغنيه وبحبها كتييييير

    ربنا يسعد أيامك ...

    ... ;) ,,, ;) ...

    ردحذف
  39. كيكي عوووووو ...

    وإنتي طيبه وبخير وسعاده يارب ...

    بشكرك حبيبتي ومنوراني بجد

    وعلى رأيك والله هههههههههههه

    نورتيني
    ... ;) ,,, ;) ...

    ردحذف