.إمبارح كان عيد ميلادها
إتأخرت عليها يوم .. :(
عشان كل جمعه بكون في القاهرة يوم كامل عشان الجامعة ...
^^
بجد .. بحبها أوي ..
عزيزة على قلبي أوي أوي
لو حصلّها حاجة ممكن يحصلّي حاجة أنا كمان ...
^^
ياترى أنا بحبها أوي كدة ليه ..؟!!
يمكن عشان بحكيلها اي حاجة أنا عايزة أقولها
وهي بتسمعني بصمت لذيذ .. !!
أو يمكن عشان بسببها إتعرفت على ناس والله
عمري ماهلاقي زيهم .. !!
ولا يمكن عشان من خلالها بعرف أحسّن نفسي
في كتاباتي وأفكاري .. !!
وأكيد عشان بسببها الناس بتشاركني فرحي
وتواسيني في أحزاني ... :)
^^
دي كمان علمتني حاجات كتير
زي إية ..؟
علمتني إزاي اشارك برأي في أي حاجة تهمني
أو تهم المجتمع إللي أنا فيه ..
علمتني إني ماتكسفش وأنشر ماأظن إنه شيء من الإبداع ...
دي كمان عرفتني بناس بيحبوا الخير
ومن خلالها أول مرة بجد أحضر أعمال خيرية وأشارك فيها
بجد الإحساس ده لوحدة لا يوصف
وراح يكذب إللي يقول إنه قادر يوصفه
^^
ياترى عرفتوا أنا بتكلم على مين
... ؟!!
أيوه أكيد طبعا عليها
بتكلم على إللي كانت وجه السعد عليا
تخيلوا كملت سنة بحالها :)
ياترى هاحتفل كم مرة بعيد ميلادها كمان ..؟
أنا مش عايزة أبعد عنها ولا عن صحابها
عشان أنا أدمنتها وأدمنتهم
يمكن بغيب عليها وعليهم كل فترة والتانيه
بس ده مش معناة إني مش بطّل عليها وعليهم
كل ماتوحشني ويوحشوني ...
^^
أوعوا تكونوا ماعرفتوش بتكلم على إية .. :)
أنا بتكلم على " بستاني " منبت " أفكاري " ...
إللي كل مازرعت فيه حرف أو كلمة أو فكرة ..
حصدت مكانه خبرة ونقد بناء ومعلومة وأصدقاء ...
^^
كل سنة وإنتي بستاني يامدونتي ..
كل سنه وإنتي مُلهمتي ..
^^
ممكن تقولولها وتقولولي كل سنة وإحنا طيوبين :)
عشان أنا هي وهي أنا ...
^^
ماتقلقوش مش ناسية
البوفية أول ماتدخل على اليمين
وحمزة نمرة واقف يغنيلها على الشمال
وأنا واقفه طايرة من الفرحة في النص ...
ملحوظة صغنتوتة :
بالله عليكوا بلاش تكسفوني
وإعتبروا كل إلي قولته إنه حصل وموجود
وعدوا الليله على خير :))))))))
.......................
كان معكم
من دواخل النفس الغداوية
غادة محسن
^_^
.jfif)
كل سنة و انت طيبة
ردحذفكل سنة و انت بتحتفلى بسعادة بمدونتك
كل سنة و انت بتحتفلى بنفسك
ايوة ما هى انت و لا أية (:
ربنا يخلى كل ايامك اعياد و فرحة (:
على فكرة البوفية جامد جامد جدا (:
http://www.youtube.com/watch?v=XIb5xO3BmUI
رامي :
ردحذفوإنت طيووووب وودود يارامي يااارب
ويااااااارب ربنا يسمع منك
وفعلا انا هي وهي أنا ...
ربنا يسعد قلبك ويطمن بالك
ويرسم الإبتسامة جوة قلبك
وميرسي على أحلى فيديووووو
وعدوا الجمايل دي بقى بوفيه وحفل
هههههههههه
ربنا يحفظك رامي
بجد نورتني
^_^
صباح الوروود يا غادة
ردحذفوكل سنة وانت طيبة وهي طيبة وانت بالف خير وسعادة وابداع دايما
انا عمري ما انسي انك انت اللي شجعتيني علي التدوين ولا انت اللي ساعدتيني علي كل شيء في التدوين ولا عمري انسي اليوم ده بجد
ولا انك انت صديقتي الصدوقة
ربنا يخليكي لي ولكل اصحابنا وبجد كل الكلام اللي انت كتبتيه جوايا برضه لمدونتي
ربنا يسعدك دايما وتحتفلي بيها علي طول بسعادة
كل سنة و أنتي و مدونتط طيبين و بخير
ردحذفو عقبال انا كمان لما احتفل بعيد ميلاد مدونتي
كل سنة وانتي ومدونتك طيبين وبخير وسعادة
ردحذفوعبال اليوبيل الذهبي والفضي والبرونزي .
تحياتي لكم .
في أمان الله .
كل سنة وانتِ و هيا طيبين و يارب يجرى الخير على ايدك دايماً فيها و تكون إيجابية مدى الحياة
ردحذفالتدوين كده ،،، حياة مش مجرد ممارسة على صفحة افتراضية
منورة ببستان أفكارك دائماً
كل سنه وانتى ومدونتك بخير
ردحذفوفى منتهى الجمال
وتبثون السعاده فيمن حولكم
تحياتى
kol sana we ya taybe wenty tayeba wana tayeb !
ردحذفكل سنةوانتى وهى بخير وسعادة
ردحذفوعقبال مليون سنة تدوين
وربنا يقدرك دائما على الخير والمشاركة فيه
تحياتى
كل سنه وهى طيبه
ردحذفالخير والسعاده يارب
على فكره ممكن
تعلنى عن عيد ميلاد مدونتكم
فى مدونته
بيت المدونين
http://bloggers-house.blogspot.com/
ويارب
يتحقق ليكى كل احلامك
كل سنة وإنتو طبيبييييين ^^
ردحذفوعقبال يارب لما أشوف المدونة عروسة منورة كوشة إلكترونية وجنبها أوسم عريس إلكتروني كماان ^^
أوعدك وقتها ح أعمل " Buzz " طول الفرح بنفسي وهو الذي يعتبر بمقام الـ " لولولولولولولولوييي " في العالم الإفتراضي .. الزغاريد يعني .. آه والله :D
وأي خدمات .. أنا مستعدة
Ur Sis
^^
كل سنه ومدونتك بخير
ردحذفوعقبال 100 عام من الابداع والتالق غاده
ويارب دايما بالف خير
تحياتى
دودوو يا قمر
ردحذفكل سنة وانتى ومدونتك بكل خير وسعادة وحب
واحنا اللى لازم نشكرها لانها عرفتنا بانسانة جميلة وحبوبة ورقيقة وزى العسل زيك كده
دامت كل ايامك فرح وسعادة ياارب
ارق ورداية لعيونك حبيبتى
كل سنه وانت ومدونتك طيبين
ردحذفوعقبال 100 سنه ابداع
100 سنه تدوين
حاضر يا قمر ح نعدى الليله
ردحذفعدى يا ليله .. عدى يا ليله .. اعديلك بكره كمان ههههههههههه
كل سنه وانتى طيبه وجميله يا غاده
وكل سنه وانتى وسطينا وفرحانين بيكى
الف ورده ورده على عيونك
والف بوسه وبوسه على خدودك
ربنا يديم عليكى السعاده ويملا قلبك بالسلام والحب
غدغووووووود كل سنه ومولودتك الجميله مبدعه ومتألقه ومبهجه دوما ...وياااااااااارب تكون دوما فخرا لكى وبراعهما حروفا أخاذه وبنسماتها ريحا نديه تطيب أنفاسك وبوميضها شعله تنير دروب خيالك وعوالمك الغنيه .....
ردحذفوالحفله جناااااان بس كنت نفسى فى بسبوسه بدل الجاتوه اصلك عارفانى فقريه بقه ههههههه
تحياتى ...مروة شوقى
كل سنه واتوا الاتنين طيبين ومبسوطين مع بعض
ردحذفانتي قلتي كلمة لطيفه
فعلا المدونة بتسمعنا ببتسامه وصمت جميل
بس صدي الصوت اللي طالع منها لأخواتنا واخونا المدونين
صدي محبب
اما الصدي النشاز ربن يقيكي ويقينا منه
:))
هابي بييييييييييييير ذاي تووووووو يوووو
ردحذفتاتاتاتشاااااااااااا:))
هابيي بير لمدونتك
هابي بييير ذاي تو يوووووووو
تا تا تا تشاااااااا:)))))
كل سنه وهي طيبه
وكل سنه وانتي طيبه
وكل سنه واحنا اصحاب واخوات اكتر من الاول
اللهم امين:)
كل سنة انتى ومدونتك طيبه يا غاده
ردحذفويارب تفضل منوره النت ويفضل معاك الحلم الجميل والاصحاب الجمال دول
وابداع اكتر واكتر ومن افضل لافضل
وربنا يوفقك ان شاء الله
كل سنه وانت طيبه ومدونتك متفوقه وتكون السنه اللي جايه احسن واحسن وتفضلي معانا بمواضيعك ورايك ومشاركاتك وتفيدنا ونفيدك بس ما تتاخريش علينا
ردحذفامممممممممم
ردحذفوطيب واللى ما بيعرفش يكدب
يعدى الليلة إزاااااااااى
تعرفى أنا كمان نسيت أعمل عيد ميلاد مدونتى وزعلت كتير
بس وعدتها بعيد ميلاد رهيب السنة الجاية وعفت عنى
بجد دونتك جميلة وأنا سعيد إنى اتعرفت عليها واتعرفت عليكى
تحياتى وكل لحظةوانت وهى بخيروسلام وتقدم
حوبه العسوله
ردحذف^^
صباح الألوان السبعه ياعيون غاده
^^
وكل سنه وإنتي دايما معايا وصديقتي الصدوقه ياحوبه ...
وأنا مبسوطه إن بقالك مدونه عشان تبدعي فيها لأنك إللي بتنتجيه يستحق إن الناس تشوفه ..
ربنا يخليكي ليا .. ودايما اشوفك مبسوطه ويارب ماحد يعكر مزاجك عشان ماحدش يستاهل ده ..
وإدعيلي إني ماكسلش كعادتي وأكتب بوستات جديده
^_^
يوميات شحات
ردحذف^^
وإن طيب وبخير وسعاده يارب
وأكيييييد راح يجي هذا اليوم
عشان نحتفل معاك بيه
بيبقى إحساس كتير حلو والله
نورتني
^_^
MR. PRESIDENT
ردحذف^^
وإنت طيب يارب
وربنا يسمع منك
وتكونوا دايما معايا
ونحتفل بإنجازات بعض
تحياتي ليك
^_^
أحمد عبد العدل
ردحذف^^
هلا والله بالدكتور
وحضرتك طيب يارب وبخير
وفعلا التدوين مش مجرد كلمات على صفحات
بل أكتر من كده بكتير ومحدش يعرف ده غير إللي مجربه
بشكرك كتير
وبستاني منور بيكوا والله
^_^
ممكن
ردحذف^^
وإنت طيب وبصحه وعافيه ...
ربنا يسعد قلبك ويطمن بالك
بشكرك على كلماتك
^_^
غير معرف
ردحذف^^
وإنت طيب وكلنا طيبين
بس ياريت كنت تقول مين حضرتك عشان أعرف
على العموم نورتني
^_^
همس الأحباب
ردحذف^^
وحضرتك طيب يارب
بجد حضرتك من الناس إللي علمتني كتير
من غير ماتعرف
ربنا يجازيك كل خير
والحمدلله إني بعرف ناس زي حضرتك
بجد نورتني
^_^
محمود ( باحث عن حب )
ردحذف^^
هلا والله بيك
وإنت طيب وبخير وسعاده
فعلا كانت فكره حلوه إني أعلن عنها هناك
بس للأسف الوقت فات
على العموم الجيات أكتر
بشكرك على إقتراحك ...
وبشكرك على دعوتك وربنا يتقبلها
وربنا يحققلك مرادك
^_^
رانيتي
ردحذف^^
أختي حبيبتي
كل سنه وإنتي دايما معايا ويايا يارب
تغلسي عليا وأغلس عليكي ههههههههه
ويلا مستنيه إيه خلينا ندورلها على عريس أمور كده ... أهو أفرح بيها قبل ماتوكل .ز عشان ألحق أشوف مدونات صغنتوتات كده في عالم التدوين
:)))))))))))
ربنا يخليكي ليا يارانيا يااااااارب
^_^
جايدا
ردحذف^^
وحضرتك طيوبه ومنوراني دايما
ربنا يخليكي ليا يارب
بحبكوا أوي والله
^_^
Ms Venus
ردحذف^^
وإنتي طيوبه ورقيه وعسوله ...
ربنا يخليكي بجد بشكرك على كلامك
بجد إنتوا ناس لاتتعوض
ربنا يكرمك حبيبتي
تحياتي الملونه لروحك المُحبه
^_^
عمرو يسري
ردحذف^^
هلا والله بيك
وإنت طيب يارب
وعقبال لما نحتفل بمدونة كل حد فينا
ونكون دايما مع بعض
بشكرك كتير
^_^
mrmr
ردحذف^^
ههههههههههههه
أيوه كده إستري عليا
وكل سنه وإنتي طيوبه وحبوبه ونشيطه كده وحيويه
ربنا يخليك ليا يارب حبيبتي
وبشكرك كتير
أضفيتي على روحي بسمه رقيقه
^_^
ملامح
ردحذف^^
مروتي الحلوه
شوفتي بقى مش حرماكوا من حاجه أنا
خلي البسبوسه في عيد ميلاد مدونتك
ولا مش ناويه تأكلينا ولا إيه
هههههههههههههه
ربنا يخليكي ليا يامروه يارب
ودايما كده مشجعاني
مدة تعارفنا قصيره بس غاليه على قلبي بجد
بحبك أووووي
^_^
شمس النهار
ردحذف^^
ماما شموسه
بجد بنبسط أوي بطلتك عليا
^^
وكل سنه وإنتي منورانا دايما يارب
وفعلا ربنا يقينا شر الكلمات المُرة
^_^
سوني
ردحذف^^
هييييييييييه
أحلى حفل من أحلى سنسونتي
^^
ربنا يخليكي ليا ياعسوله
وتبقى معايا كده على طول
ربنا يحميكي
^_^
محمد حجاز
ردحذف^^
وإنت طيب يارب وبخير
وبشكرك كتير على كلامك محمد
وبجد مبسوطه بمعرفة ناس زيكوا
^_^
سمسم
ردحذفهلا بيك والله
وإنت طيب يارب وبخير وسعاده
ويارب دايما نفيد بعض لولو بكلمه واحده
بشكرك كتير
^_^
الأزهري
ردحذف^^
هههههههههههههه
أستر عليا المرة دي بس
وإن شاء الله المره إللي جايه تعملها فعلا أكبرإحتفال
الجيات أكتر إن شاء الله
وتعملها إحتفال حقيقي مش بوء زي بتاعي هههههههههههه
وبجد أنا إللي مبسوطه بتعرفي عليك وعلى كل المدونيين المحترميين
بشكرك كتير
^_^
كل سنة وانتى طيبة
ردحذفكل سنة ومدونتك طيبة
انا مبسوطة انى دخلت عندك النهاردة
ربنا يكتر من مناسباتك السعيدة
كل سنة و انتى طيبة
ردحذفو كل سنة و مدونتك و انتى و بخير
يارب دائما بخير و سعادة
بالمناسبة انا عيد ميلادى 2 نوفمبر 2010
دائما انتى متألقة و مشرقة و متميزة
دمتى بخير
كل مدونة وانت طيبة
ردحذففين جديدك
ردحذفربنا يخليهالك
ردحذفكل سنة وانت طيبة
ردحذفوربنا يخليهالك
وتكون زاخرة دائما بجديدك
ومن نجاح لأخر
تحياتي
كل عام وانت بخير
ردحذفكل عام وانت الى الله اقرب وعلى طاعته ادوم
عيد اضحى مبارك
اعاده الله عليك بالخير واليمن والبركات
ويارب العام القادم تكون عند الحبيب المصطفى
عيد سعيد
تحياتى
كل سنة و انت طيبة
ردحذفعيد أضحى سعيد (:
بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير
ردحذفعيد سعيد على كل الناس الطيبين
دودوووو
ردحذفكل سنة وانتى طيبة يا قمراية
وعيد سعيد عليكى يارب
نهى
ردحذفبجد أنا الأسعد والله
وبعتذر على تقصيري الشنيع ده
كل سنه وإنتي بخير حبيبتي
تسلميلي
^_^
الشاعر أحمد فتحي
ردحذفكل سنه وإنت مبدع
كل سنه وإنت منورنا بكلماتك وإحساسك
كل سنه وإنت طيب
عشان عيد ميلادك بجد أنا بعتذر ماشوفتش التعليق إلا متأخر :(
وكل سنه وإنت مبسوط عشان عيد الأضحى
تسلم على ذوقك بجد
^_^
تركيب
ردحذفكل سنه وإنت طب وبخير وصحه وسلامه
يارب
تسلملي
ومنورني
^_^
محمود
ردحذف^^
بجد اشكرك على إهتمامك
وحطيت جديدي
معلش أنا مقصرة كتير مؤخرا
بس غصبا عني
بجد بشكرك على سؤالك
وكل سنه وإنت طيب يااارب
^_^
أحمد الصعيدي
ردحذف^^
يااااااااااارب
دي إللي عرفتني بأحلى ناس
تسلم
^_^
إسلام :
ردحذفتسلم على أحلى كلام
كل سنه وإنت طيب ومبسوط يااارب
نورتني
^_^
جايدا :
ردحذفدايما للخير أسبق
ربنا يبارك فيكي
كل سنه وإنتي السعاده والبسمه
ربنا يسعدك ويسعد حبايبك اللهم أمين
^_^
رامي :
ردحذفوإنت طيب ومبسوط
ربنا يجمعك بكل أحبابك ويفرح قلبك اللهم أمين
تسلملي
^_^
رومانسي
ردحذفهلا احمد منورني والله
كل سنه وإنت طيب وبسعاده اللهم أمين
بشكرك على أحلى تهنئة
^_^
Ms Venus
ردحذفحبيبة قلب دودو
كل سنة وإنتي الخير والبسمه
ربنا يسعدلي قلبك اللهم أمين
^_^
كل سنة ومدونتك في تقدم معلهش جاية متأخرة شوية بقي
ردحذف^_^