Wish whatever yOu wanna wish .. cOz all yOur dreams can be reached ... GHADA
... ;) ,,, ;) ...

السبت، 10 أبريل 2010

تحديث : يامدونيجية الخير :) ...


ماأجمل أن يكون هناك تواصل للخير ...


أُناس تجتمع وفي قلبها مودة ورحمه وطيبه ...


نجتمع وننسى حينها همومنا ومشاكلنا ونرميها


جميعها وراء ظهورنا ولانبالي ...


أسأل من الله أن يجمعنا دائما على خير ...


..


ندخل بقى في المفيد ...


يوم الجمعه ...



أنا بقى صحيت من الفجر عشان أتجهز


للسفر للقاهره عشان عندي محاضرات من الساعه 8 الصبح ( وااااااااااااااء ) ...


ومعايا أختي رانيا ....


أصلا بعيد عنكوا رحلة كفاحنا بدأت من تاني ... والأجازه خلصت :( ...



المهم حضرت محاضراتي مع أعز أصدقائي إللي من غيرهم ماكنت أصلا


أفكر إني أعتب الجامعه ولا حتى أحضر محاضرات ..


فكانوا مقررين يجوا معايا لقاء المدونيين عشان يشوفوا عالمي الجديد إللي بعشقه


ودايما بكلمهم عنه ... وتشجعوا أكتر عشان فيه عمل خيري جزاهم الله خير ..


وإللي مقدرش يجي من زمايلي إعطاني فلوس وجمعناها كلنا مع بعض ...



ومشينا من الجامعه متوجهيين لمستشفى ( أبو الريش ) الساعه 1 كلا من

( أنا .. أختي رانيا .. رحاب صالح ( حياتي .. لكن مش حره فيها ) .. رضا .. وأحمد وافي )



ووصلنا ومكناش عارفين ندخل من وين بتاتا ...


فاستنجدت بأخويا وليد (هي وظروفها ) عشان ينتشلنا من التوهان :))) ...

ودخلنا المستشفى وقعدنا مع أحبابنا المدونيين

البعض كان مألوف ليا من أيام لقاء (الدقي )

فانبسطت إني شوفتهم تاني ... وإتشرفت بمعرفة الناس الجديده بالنسبه ليا ..



وليد ( هي وظروفها ) الأخ الجدع بجد ..

إللي قعد يعزم علينا بسندويتشات الكبده :) ...

ويكلم ده ويروح لده بجد بيحسس الواحد أنه يعرفه من زمان
وبيكسر أي تكليف ...

بجد مبسوطه إني شوفتك تاني ...



فاتيما حبيبة قلبي من جوه .. القلب إللي كله حنيه ...
إللي مش بتنسى حد وبتفرح لفرحنا وبتزعل على ألامنا ...

إنبسطت كتير إني شوفتك تاني وكلمتك ...

أه صحيح .. وبشكرك كتير إنك مش نسيتيني بنجاحي

بأحلى مصاصتين :) .. على فكره راح احتفظ بيهم

وأشتريلي غيرهم عشان مش هاقدر أقعد أبصلهم كده

دول نقطه ضعفي :))) ..

أهو كشفنا سر من أسرار الدوله ههههههههههههه
..
تحديث : ( أبو حميد ) إللي بجد مش عارفه أشكره إزاي
هو إللي وصلنا أنا وزمايلي ل(نادي المحاميين)
لولاه كنا إتشردنا :))...
بجد هي دي روح المصريين إللي إتعودت عليها
وبتعلم منهم بجد يوم بعد يوم ...
بعتذر منك كتير .. والله حضرتك في بالي
بس للأسف أنا ماأتعرفت على إسمك
وهذي غلطتي ...
بتمنى ماتكون زعلان مني
وتووووبه وأخر مره :) ...



ضيا ( بيوتيفل مايند ) وجه بشوش .. ودم خفيف ...

وإتشرفت بجد بمعرفتك ...



شريف باشا ( هجايص ) .. طيب أوي وجدع ...

تعبناك والله معانا ... بجد بشكرك على توصيلك ..

مارضاش يمشي إلا لما ركبت أنا وزمايلي ...

بجد إتشرفت بمعرفة شخصيه زيك ...


أستاذ خالد ( همس الأحباب ) .. مبسوطه إني شوفتك تاني

وبجد طيب أوي وعفوي ودم خفيف ...

بس ماقولتليش برضو عصير البرتقال بكااااام .. :))))

بجد بشكرك كتييير ...


أستاذ عمر ( واحد من الناس ) .. سعدت بالدقيقتين

إللي تكلمت فيهم مع حضرتك ... وتيجي تنور طنطا إن شاء الله

وربنا يوفقك في شغلك ...



نوران ( بنت خيخه وأي كلام ) .. في لقاء الدقي ماجتش فرصه

وأتعرف عليكي ... بس المره دي بجد إكتشفت إنك شخصيه طيبه أوي وجدعه

وصاحبة روح مرحه ... وإن شاء الله يارب اشوفك تاني ...



مصطفى ريان .. بحس إن راح يكون ليه مستقبل باهر في مجال الأدب

ماشاء الله عليك ربنا يوفقك ... وكل سنه وإنت طيب .. ودائما في نجاح



كيارا ... بنوته عسوله أوي ماجاتش فرصه أتكلم معاكي

بس إن شاء الله مره تانيه ... وربنا يحفظك ...



كيكي ... ماكنتش أعرف في الأول إنك كيكي عوووووو ...

بس وإحنا في نادي المحاميين سألت شريف عشان أتأكد

وقلي بالفعل إنك كيكي عووووو ...

بس وقتها إنتي كنتي ملخومه بالجوافه الحمضانه والمانجه :)))

بس بجد روحك حلوه وطيوبه أوي ...



بعتذر إذا كنت نسيت أحد ...



بس بجد بشكركم أول شي على إستقبالكم لزمايلي

والحمدلله كلنا كنا مبسوطين ... وروحنا وعلى وجوهنا إبتسامه .

مع إن صديقتي الصدوقه رحاب صالح كانت تعبانه بس الحمدلله

وصلت لبيتها بأمان وسلام .. ربنا يحفظك حبيبتي .. بجد كنت قلقانه عليكي ..

كان في ناس كتييييير كان نفسي أشوفها في اللقاء ده

بس للأسف ماجوش ... بس الجيات أكتر من الرايحات

والحمدلله إن إللي إتمنيناه بالخير إتحقق وجمعنا المبلغ المطلوب بفضل الله ...

جزاكم الله بالخير يأهل الخير ...
طبعا بشكر داليا قوس قزح على أحلى خير
إللي بيجري بدمها
وللأسف ماجاتليش الفرصه عشان أتعرف عليها


بحكبم في الله وأشوفكم على خير مره تانيه ياأحلى مدونيجيه :) ...
غاده محسن ...
... ;) ,,, ;) ...

هناك 43 تعليقًا:

  1. حظي الوحش خلاني مشيت بدري قبل متوصلي واتعرف عليكي.... بس تتعوض باذن الله...

    وجازاكي الله خير انتي واصحابك...

    ردحذف
  2. احنا اللى اتشرفنا بيكم يا غدغود انتى و الشلة الحلوة دى

    بجد ما شاء الله عليكم حاجة تفرح

    اتمنى تحضروا دايما و اعملوا حسابكم على بؤجة الخير و ان شاء الله يكون يوم جمعة و تعرفوا تفلفصوازى المرة دى و تيجوا تقعدوا معانا

    سلامى لكل اللى جم و قولى لرحاب متعملش ريجييييييم الله يخليها لتختفى ... و يا ريت تبعتيلى لينك مدونتها لو تسمح يعنى


    و سلمى كمان على رضا قوى
    و زميلكم المهذب جدا

    و رانيا حبيبتى ملحقتش اكل ودانها بالكلام معلش

    اما انتى بقى

    فالمرة الجاية لما اشوفك
    مصاصات بلا رحمة


    كل خير و انتوا طيبين و معانا يا حبيبتى

    ردحذف
  3. يارب ديما تتقبالو فالخير علطول يارب
    واتمني المره اللي جايه اني اجي بس تسمح الظروف بأذن الله
    ويارب اشوفكر علي خير:)

    ردحذف
  4. و الله انا سالت مين البنوتات الجميلات اللى قاعدين فى الاوضة دول بس محدش فادنى غير فاتيما قالت منهم بستان افكارى و اصحابها ..بس للاسف معرفتيش مين فيكم البستان و مين اصحابها .. و باعتذر لان كان المفروض ارحب بكم بس بصراحة انتم جيتم فى وقت عد الفلوس و كانت فاتيما عمالة تعاكسنا و تقولنا نهورب بالفلوس يا شوباب :))
    ان شاء الله المرة الجاية نتجمع على خير تانى و نتعرف و نتكلم اكتر
    سعيدة بكى انك نشرتى الخير وسط اصحابك و هو ده اهم هدف فى ايام التجمعات ..ان الواحد يعمل الخير و يساعد غيره انه يعمله
    جزاكى الله كل خير

    ردحذف
  5. بقالى فترة مش بحضر لقاء المدونين لظروف خارجة عنى بس تتعوض ان شاء الله

    المهم تكونو انبستطم وعملتم اللى عليكم

    ربنا يوفقك ويكرمك

    مع خالص تحياتى

    ردحذف
  6. تعرفي مش عرفت انك انتي الا ناو انا طول القعده هي عارفاني ياربي طيب هي مين ياربي علي الزهايمر اعمل ايه اساله لالالا اتكثف وطول اللقاء علي الحال دا

    معلش فرصة تانيه نتكلم ياقمر

    ردحذف
  7. ربنا يجمعكم دايما فى الخير يا دودو


    وربنا يوفقك دايما يا قمراية

    ردحذف
  8. إبه ده يافندم؟
    ونسيتى اللى وصلكم للنادى ولا إيه؟
    ماشى ماشى

    ردحذف
  9. ياعمنا انا كنت هناك ولكن كنت رخم
    واليوم فعلا كان هايل

    ردحذف
  10. يا غاده الجو اللي انبسطنا كلنا بيه

    ده ناتج عن نوايا نضيفه وصافيه وخالصه لعمل شيء لوجه الله ولناس تجمعت من اجل شيء محترم وجميل ولازم تكون نتيجته كدا

    اننا بحترم بعض ونتمني كل الخير لبعض

    واحب اضيف انك يا غاده وكلامي مش هيضيف ليكي شيء لانك من الاخلاق والاحترام والنضج والعقليه اللي بجد تجبر اللي ادامك علي احترامك وتقديرك وربنا يبارك فيكي وفي ووالدتك اللي ربت بنتن في اخلاقك انتي ورانيا وربنا يجمع قلوبنا علي فعل اي شيء يرضيع عنا
    وربنا يحققلك كل احلامك وطموحاتك وينفعك بيها دنيا واخره

    ردحذف
  11. سمع هوص ...

    هلا بأبو علي ..

    إن شاء الله أشوفك قريب يوم بؤجة الخير

    ده إذا عرفت أزوغ من الجامعه زي ماعملت إمبارح :))

    بشكرك وجزاك الله خير إنت كمان
    ... ;) ,,, ;) ...

    ردحذف
  12. فاتيما ...

    بجد يافاتيما .. الشرف لينا إحنا
    كفايه وجودنا وسط ناس بتحب الخير ...

    بجد كل زمايلي إنبسطووو كتييير

    أما رحاب العسوله سيبيها عليا وأنا هاقنعها
    ياأنا ياهي هههههههههه

    وبجد زمايلي حبوكي كتير ...

    وإن شاء الله نيجي بؤجه الخير ..

    ورانيا بتسلم عليكي كتيييييير

    وهيييييييييه تحيا المصاصات ههههههههه

    تسلميلي ياااااارب

    ... ;) ,,, ;) ...

    ردحذف
  13. sOny2000 ...

    ياااااريت بجد أشوفك المره إللي جايه

    حاولي تزوغي زي ماأنا بعمل هههههههه

    تسلميلي إن شاء الله

    ... ;) ,,, ;) ...

    ردحذف
  14. قوس قزح ...

    إيه النووور ده كله :)

    أنا البستان بقى .. أنا الطويله إللي فيهم .. خليني أفرسهم شوي هههههههه

    بجد أنا مبسوووطه كتير بمعرفتي بيكي وإن كانت إفتراضيه مؤقتا ...

    أنا حبيتك من كلامهم علبكي ماشاء الله عليكي ...

    وإن شاء الله أكيد راح أشوفك في أقرب فرصه ... وربنا يجازيكي كل خير يااحلى داليا ..

    ... ;) ,,, ;) ...

    ردحذف
  15. تامر نبيل ...

    ياريت والله نتقابل في لقاء تاني ... عشان أتعرف بحضرتك ...

    بشكرك كتير على كلامك ...

    ... ;) ,,, ;) ...

    ردحذف
  16. كيارا ...

    ههههههههه ضحكتيني والله
    عملتلك قلق أنا ...
    الزهايمر بقى منتشر أوي

    أنا ممكن أنسا اسامي بس الوجه مابقدر إنسى ...

    وإن شاء الله المره إللي جايه تفتكريني ونتكلم أكتر .. عشان إنتي بجد عسووووله ...

    ... ;) ,,, ;) ...

    ردحذف
  17. Ms Venus ...

    اللهم أمين ...

    بشكرك كتير حبيبتي ...

    ... ;) ,,, ;) ...

    ردحذف
  18. أبو حميد ...

    بجد مكسوووووفه منك أوي ...

    أنا عدلت البوست ..
    بعتذر منك كتير ...

    إتشرفت بمعرفتك وأن شاء الله أشوفك في لقاءات تانيه
    بجد نورتني ...
    ... ;) ,,, ;) ...

    ردحذف
  19. صوت من مصر ...

    أنا قريت فعلا إسمك في بوستات أخواني المدونيين .. بس ماكنتش اعرف إنت مين

    للأسف أنا ماأتشرفت بمعرفتك ... بجد ده من سوء حظي ..

    بس إن شاء الله المره إللي جايه أتشرف بمعرفتك

    وفعلا اليوم كله كان مليان بالخير والضحكه الحلوه ...

    ... ;) ,,, ;) ...

    ردحذف
  20. هي وظروفها ...

    وليد باشااااا ...

    بجد كلامك صح ميه بالميه ... فعلا طول مانيتنا خير يبقى الجو إللي حوالينا راح يكون كله خير ومريح وعطر ...

    وبجد بشكرك كتيييير على كلامك وإطرائك ...
    بجد عاجزه عن الرد على كلامك إللي بيشرفني ...

    وربنا دايما يجمعنا على فعل الخير ...

    بشكرك مره تانيه .. وربنا يحققلك كل إللي بتتمناه إنت كمان .. ويطمن ويسعد قلبك أخي العزيز ..

    ... ;) ,,, ;) ...

    ردحذف
  21. ربنا يجمعكم دايما على الخير ..
    اتمنى أن يحالفني الحظ وأكون متواجد معكم في يوم ما :)

    ردحذف
  22. احلى حاجة عجبتنى استاذ خالد بحب الاحترام والوقار ده
    هههههههههههه
    يا بنتى احنا اخوات سيبك من الرسميات
    بجد انتى من الشخصيات المحبة للخير ومشاركتك ايجابية دائما وجزاكى الله خيرا بحضورك ووجودك معنا انتى ورانيا ورحاب واحمد سعدنا جدا بوجودكم
    اما البرتقال متخافيش يوم البؤجه هاخده منكم اقفاص اقفاص هههههههههه
    تحياتى وتقديرى

    ردحذف
  23. بجد أنا نفسى أشوفك و أتعرف عليكى

    أنا سعيد لسعادتك فى هذا اللقاء

    تقبلى مرورى

    ردحذف
  24. كده يا غادة ؟؟!!!!!!
    خليكوا اتقابلوا و اجتمعوا كده ؟؟؟؟
    بجد انتوا بتزعلوني اوي انا و اي مدونين عايشين برة مصر ؟؟
    اشمعنى انتوا بتتقابلوا و ناسيينا خالص كده ؟؟؟
    حرام عليكم بجد
    ما انتوا اخواتنا كلكم و نفسنا بجد نتعرف اكتر على بعض و تقرب من بعض
    بس يظهر ان فعلا البعيد عن العين بعيد عن القلب


    عموما واحشاني يا غادة و اسفة على التاخير بس كنت مخنوقة شوية الفترة اللي فاتت دي

    خالص حبي و اشواقي و لو اني زعلانة بجد لاني نفسي اشوفكم و الله و اقعد معاكم اكبر وقت ممكن

    ردحذف
  25. ازيك يا غاده
    وحشانى جدا
    ربنا يوفقك
    ويتقبل منكم الخير دايما
    تحياتى

    ردحذف
  26. باذن الرحمن اكون معاكم التجمع الجاى

    ردحذف
  27. اااااااااااااايه يا جدعان مفيش حد عزمنا ولا ايه ، إيهء ايهء ، مليوش دعوة .

    ربنا يجمعكم في الجنة ان شاء الله .

    ردحذف
  28. انا اللي فرحان انى اتعرفت عليكي وعلى كل المجموعه الحلوةاللي جت معاكي وان شاء الله نتقابل قريب تانى في لقاءات تدوينية اخري
    ربنا يتقبل منك دعوتك دي والواحد يقدر يكون حاجه كيرة في عالم الكتابة الكبير قوى دي
    تحياتى لك يا غاده ويارب دايما في نجاح وتوفيق

    ردحذف
  29. تصدقى انى ساعات عندى عته مبكر لمة روحت البيت وشوفت البوست دة
    قلت بستان افكاااااااارى
    انا عارفها ياجدعان
    هى دى الى كانت موجودة
    بس معلش تتعوض ان شاء الله
    من غير اى حاجة حماضنة وسلميلى كتير على صاحبتك الى كانت لابسة عباية سودة
    اصلها سبتلى حبه برتقان عشان ادوقة
    عوووووووووووو

    ردحذف
  30. يا رب يديم الحب و التعاون و الخير
    و يا رب يكون ميعاد اللقاء فى مرة مناسب للمغتربين أمثالى عشان نتعرف على أجمل أصدقاء

    دمتى بخير و سعادة

    ردحذف
  31. سلام عليكم
    يابختكم ياريتنى كنت معاكم بس ان شاء الله لينا لقاء مع بعض.... وبشكرك يا غادة على روحك الحلوة الطيبة دى.......وفى كلمة زى مدونجية اسمها بلوجرية بس دى طبعا بالانجلش هههههههههههه
    تحياتى ليكى

    ردحذف
  32. IMSA ...

    اللهم أمين ...

    ياريت إن شاء الله نتعرف بيك المره إللي جايه

    بجد نورتني ...

    ... ;) ,,, ;) ...

    ردحذف
  33. همس الأحباب ...

    هههههههههههه
    حاضر مش هاقول أستاذ ...

    وفعلا كلنا إخوه في الله ...

    بجد ربنا يبارك فيكم واحد واحد ... وأنا بتعلم منكم ...

    ربنا يجمعنا دايما على الخير ...

    شكلي كده مش هاحضر البؤجه بسبب الأقفاص دي هههههههههههه ...
    ده أنت تؤمر ...

    نورتني بجد
    ... ;) ,,, ;) ...

    ردحذف
  34. سلسبيل ...

    بشكرك حبيبتي ..
    بجد وأنا نفسي أشوفك
    مين عارف ربنا يكتبلنا الخير إن شاء الله ...

    ربنا يسعدنا دايما كلنا بالخير اللهم أمين

    ... ;) ,,, ;) ...

    ردحذف
  35. مهموهه ...

    وحشاااااااني بجد بشكل كبير ..

    ماتزعليش حبيبتي وبجد ماتقوليش كده

    وإن شاء الله أكيد راح نشوفك وأنا متأكده ...

    وياريت بجد تشوفوا حكاية اللقاء الالكتروني .. وأنا معاكم فيه إن شاء الله ...

    ربنا يسعد قلبك وأيامك يارب .. ويطمن قلبك على طول ...

    بتمنى أكلمك قريب ...

    معلش على غيبتي ...

    منوراني دايما حبيبتي

    ... ;) ,,, ;) ...

    ردحذف
  36. حنين ...

    هلا حبيبتي ..

    إيش أخبارك إنتي
    يارب تكوني في أحسن حال

    وإنتي وحشاني والله

    بتمنى بجد أشوفك في يوم ...

    ... ;) ,,, ;) ...

    ردحذف
  37. شريهان ...

    ياريت والله تنوري بجد ...

    كل مره بجد بنتعرف على ناس مافي أحسن من كده ربنا يحفظكم كلكم ...

    ... ;) ,,, ;) ...

    ردحذف
  38. MR PRESIDENT ...

    إن شاء الله تيجي المره إللي جايه ..

    لقاءات المدونيين لا تنتهي والحمدلله ...

    ربنا بجد يجمعنا جميعا في الجنه اللهم أمين

    بجد بشكرك
    ... ;) ,,, ;) ...

    ردحذف
  39. مصطفى ريان ...

    الشرف ليا بجد ...

    بجد كلكم مجموعه تشرف ربنا يحفظكم ...

    وربنا يحققلك كل إللي تتمناه بالخير اللهم أمين ...

    نورتني مصطفى ...

    ... ;) ,,, ;) ...

    ردحذف
  40. كيكي عووووو ...

    هلا حبيبتي ...

    ههههههههههههه
    ولا يهمك حبيبتي ... المره إللي جايه راح أقولك بنفسي .. أصلا أنا غلطانه أنا معرفتش بنفسي ...

    بس أكيد تتعوض وأشوفك مره تانيه ...

    وإللي كانت لابسه عبايه دي أختي رانيا ... وبتسلم عليكي

    نورتيني ...
    ... ;) ,,, ;) ...

    ردحذف
  41. الشاعر أحمد فتحي ...

    بجد بتمنى فعلا أتعرف عليكم كلكم واحد واحد ...

    وإن شاء الله تنفع فكرة اللقاء الالكتروني عشان نتشرف بمعرفة أخواننا المغتربين ...

    بشكرك كتير
    ... ;) ,,, ;) ...

    ردحذف
  42. الأرموطي ...

    هلا أخي أحمد ...

    إن شاء الله أكيد نشوفك المره إللي جايه .. جهز حالك بقى ...

    وبشكر على كلامك ...

    تصدق بلوجريه أسهل من مدونجيه هههههههههه

    شكل دراستك راح تنسيك العربي :))) ...

    بجد نورتني ...
    ... ;) ,,, ;) ...

    ردحذف
  43. ربنا يقدركم على فعل الخير دايما

    ردحذف