Wish whatever yOu wanna wish .. cOz all yOur dreams can be reached ... GHADA
... ;) ,,, ;) ...

الاثنين، 25 يناير 2010

لمْ أعهدك َ هكذا ..!!



.

.

صمتك َ الغامض يُخيفني ...


لمْ أعهدك َ هكذا ..!!


هناك شيئا ً يُشغل عقلك وقلبك ...


لقدْ توقفت عن التفكير بي ...


إنك لا تحاول أن تنطق إسمي على لسانك ...


أو إنك لا تذكره ُ حتى ...

.

.

لمْ أعهدك َ بخيلا ً بحروفك هكذا ..!!


فعندما أهم ُ لأتحدث إليك ...


أشعر حينها بإنني أتحدث إلى نفسي ...


فأنا أسحب منك َ الكلمات سحبا ً ...


حتى مشاعرك .. لقد تجمدت ...


فلم تعد تلك المشاعر المتدفقه الدافئه


التي كانت تغمرني فتشعرنى بالأمان ...

.

.

لمْ أعهدك َ هكذا ..!!


فعندما أسمع نبرة صوتك َ


أشعر حينها بأن الدم تجمد فى عروقي ...


فما هذه النغمه الغريبه التي تتخلل كلماتك ..؟!


لماذا أصبحتْ مليئة ٌ باليأس والخوف ..؟!

.

.

لمْ أعهدك َ ضعيفا ً هكذا ..!!


أكل هذا بسبب عاصفه تمر بها حياتك ..؟!


ظننتك َ أقوى من ذلك ...

.

.

فارجع كما كنت ْ .. وكما عهدتك َ ...


إجعل جميع حواسك تردد إسمي بسعاده ...


وعُد بكلماتك ومشاعرك الدافئه بكل شجاعه ...


وبنبرة صوتك التى تشعرني بالأمان بكل بساطه ...


كُن قويا ً و تصدى العواصف الهدامه ...


فحينها سأقول لك حمدلله على السلامه ...


فهكذا عهدتك َ أنا بكل ِ أمانه...

.......................................................

غاده محسن

هناك 40 تعليقًا:

  1. غاده حبيبتى ..
    كلماتك رائعه كعادتك
    بجد حسيتها قوي ولمستني قوي
    جميله يا غاده بجد
    انا قريت الموضوع يا حبيبتى الي بعتيه
    انا اسفه انى تعبتك معايا كده ربنا يخليكى
    موضوع حلو اوى
    والتشبيهات الي فيه كمان جميله
    وعندك حق فيها
    بس مش عارفه ياغاده يمكن الموضوع هيحتلف على حسب الحاله
    يعنى لو هم اتنين بيحبوا بعض وما ارتبطوش يبقى صعب فعلا انهم يكونوا اصحاب
    لكن لو اتنين كانوا متجوزين وانفصلوا لاي سبب كان
    حاسه انهم ممكن يحافظوا على العلاقه الكويسه الي بينهم خاصه لو كان بينهم اطفال
    على الاقل عشان اطفالهم
    ممكن في المناسبات يكلموا بعض مثلا
    واكيد في الاول والاخر الموضوع هيكون راجع لهم هما الاتنين اذا قدروا يكونوا كده او لا
    انا بشكرك على الموضوع بجد جميل جدا
    والوصف فيه حلو كتير وعجبنى جدا
    ربنا يوفقك يا حبيبتى يارب وتنتهى الامتحانات على خير يارب
    ونطمن عليكى ان شاء الله
    مع خالص حبي يا احلى غاده في الدنيا

    ردحذف
  2. تحفه يا غاده
    اكتر حاجه بتتعب فعلا انك تبقى بتحبى قوى و تلاقى الانسان اللى معاكى فيه حاجه متغيره اصل اللى بيحب قوى بيحس باقل تغير فى اللى بيحبه
    مش عارفه .....و انا باقرا البوست يا غاده حسيت بمشاعر كتير متناقضه و حسيت بذكريات كتير كنت فاكره نفسى نسيتها

    بس طلعت لسه موجوده جوايا

    بوست حلو قوى قوى

    ردحذف
  3. يا غاده ياغاده
    تغيبي تغيبي وتروحي هبدانا خاطره جامده ماشي يا عم

    عارفه ياغاده بطلت خاطرتك لو شويه اهتمت بيه بس بدون رقابه لصيقه ساعتها هيحس بدفاها وحنيتها بس تكون واقفه في ضهره ومديالو الأمان من ناحيتها واكيد لو بيحبها مش هينسالها وقفتها جمبه ..

    صحيح استشرتي القياده المركزيه؟؟؟؟؟؟

    ردحذف
  4. اميره الاحلام والسلام ...

    انتى الاروع والاجمل يااميرتى ...
    بشكرك كتير على تشجيعك ..
    وبفرح كتير لما بتعجبكم كلماتى ...

    بشكرك كتير على اهمامك وانك قريتى الموضوع
    ومافى تعب ولا حاجه ...

    فعلا يااميره هو الموضوع بيبقى نسبى فى النهايه ...
    ولكل اتنين طريقه فى التعامل مع بعض ...

    .........
    بجد ربنا يتقبل دعاااااكى ياااارب
    بجد بشكرك كتييييير ياعسوله

    منورانى دايما يااميرتى ...
    ... ;) ,,, ;) ...

    ردحذف
  5. صيدلانيه طالعه نازله ...
    اول شى منورانى بجد يااحلى صيدلانيه ...

    ميرسى اوى على تعليقك المشجع ...

    وياااارب مااكون فكرتك بحاجات تزعلك ...

    بس بجد بجد نورتى المدونه وكلماتى ...
    ... ;) ,,, ;) ...

    ردحذف
  6. هى وظروفها ...

    محسسنى انى بحدف بطووووب
    ههههههههههههههههههه

    هو فعلا البطله مش خياليه .. بس للاسف هو مش مديها فرصه انها تقف جنبه ووقف كل حاجه مجرد ماحصلتله حاجه مش عارف يواجهها ... ربنا يكرمهم ..

    اما عن القياده المركزيه والسلطات العليا استنى شوى بس لما اشوفهم الاول ... وراح ارد خبر فى اقرب وقت ان شاء الله
    اذا مارديتش اعرف انهم اغتالونى
    ههههههههههههههه
    منورنى ياباشا كالعاده
    ... ;) ,,, ;) ...

    ردحذف
  7. اسلوبك جميل

    اكيد كل شىء ممكن يتحل بس بالحوار

    ردحذف
  8. غاده الجميله
    كلماتك حلوه اوى ومعبره جدا
    كن قويا وتصدى العواصف الهدامه
    فحينها ساقول لك حمدالله على السلامه

    ردحذف
  9. حبي يا دودو .....

    ايه بجد الكلام ده
    و الله شدتني و عجبتني اوي و كلامها جميل جدا جدا جدا

    و عارفة احلى ما في الحب ان كل طرف بيعرف حبيبه بكل التفاصيل و اي نقطة و لو خفية اتغيرت في الطرف ده
    بتلاقي حبيبه عارف ان فيه حاجة بيفكر فيها او قلقاه
    و ده بجد حب و بيستمر بس لو الطرفين يتقاسموا مع بعض كل احوالهم و افكارهم

    ربنا يسعدك يا دودو يا قمر


    و بعدين تعالي هنا ؟؟؟؟؟

    مين اللي سحملك تقعدي على النت ؟؟؟
    سيبي بقى المذاكرة تولع بجاز وسخ
    هههههههههههههههههههههههههههههههههههههههههه
    قومي يا بت ذاكري و بعد الامتحانات هنستمتع بيكي اكتر و اكتر و هتبقي فاضيالنا على الاخر
    لانك بجد واحشاني اوي

    ردحذف
  10. بالرغم من إنها اول زياااره
    بس حبيت البوست بتاعك قوي
    وبجد حساااااس قوي
    بجد إحساسك حلو قوي ومرهف
    ماشاء الله عليكي وبجد حسيته قوي

    تسلمي علي رقة مشاعرك الله يحميكي

    ردحذف
  11. كلاااااااامك عن والدك الله يرحمه ويكون ان شاء الله في فسيح جناته

    حلو جدا ومؤثر ماشاء الله عليكي

    اللــه يرحمه

    ردحذف
  12. أحسنتى فى تصويرك و صياغتك الرائعة التى أضافت كثيرا لموضوع البوست
    أعتقد إنك مريتى بموضوع البوست ده
    و على فكرة كلنا مرينا بده مع أقرب الناس
    ربنا يصبرنا و يرحمنا

    ردحذف
  13. Tears ...

    انتى الاجمل ياللى منورانى دايما ...

    فعلا كل شى بيتحل بالحوار .. بس احيانا فى طرف من الاطراف بيمنع الحوار نهائيا للاسف ... وده اللى حصل فى الحكايه دى .. مما ادى الى فشل العلاقه ...

    بشكرك كتير على تواجدك الدائم ...

    ... ;) ,,, ;) ...

    ردحذف
  14. حنين ...

    بشكرك كتير على هالتشجيع ...

    بفرح اوى لما بعجبكوا كلماتى بجد بترفعوا من معنواياتى اوى ...

    بجد بحب تواجدك الدائم ربنا يخليكى ياقمرايا ...

    منورانى دايما ...
    ... ;) ,,, ;) ...

    ردحذف
  15. Sharm ...

    اول شى بجد مبسسوطه كتير بزيارتك الاولى لكلماتى
    وان شاء الله راح يكون التواصل دائم ...

    وبشكرك كتير على إطرائك ..

    نورتنى ...
    ... ;) ,,, ;) ...

    ردحذف
  16. مهموهه العسوله ...

    مهموهه اللى اكيد ماما مسلطاها عليا
    هههههههههههههههه

    بهزر والله بجد ميرسى اوى على اهتمامك ده .. وبجد راح اقلل بس راح اكون ادخل بشكل محدود اوى ...
    مقدرش استغنى عنكم .. انتم ادمان يابنتى
    ههههههههههههههههههه

    وكلامك صح الصح بس اهم شى ان الطرفين يكونوا يفتحوا مجال للحوار مع بعض فى اى شى .. لعلى وعسى يلاقوا حل للمشكله اللى بتواجههم مش واحد منهم يستسلم ويهرب ...

    وصحيح قوليلى ايش اخبارك .. وايش صاير وايش احوالك وايش وايش ...
    ايه رأيك فى الجرعه اليمنى دى ههههههههههههههه

    منورانى دايما بجد يااحلى مها فى الدنيا ...
    ... ;) ,,, ;) ...

    ردحذف
  17. الطير العاشق ...

    بجد منورانى فى اول زياره وان شاء الله ماراح تكون الاخيره ..
    وراح يكون التواصل بينا دوم ...

    ميرسى اوى على كلامك المشجع بجد وعلى إطرائك ليا ...

    وربنا يرحم امواتنا جميعا اللهم امين بجد ميرسى على ذوقك ياعسوله ...

    منورانى بجد
    ... ;) ,,, ;) ...

    ردحذف
  18. الشاعر والفنان احمد فتحى ...

    بجد بشكرك كتير على تشجيعك بكلماتك ...

    هو الصراحه مش انا بالضبط اللى مريت بيه .. هو حد ثريب منى اللى مر بيه .. انا كل اللى عملته انى حاولت اتقمص الشخصيه .. وبتمنى اكون نجحت فى ده ...

    وفعلا كتير بيمروا فى الحاله الصعبه دى ...

    بشكرك على تعليقك
    ونورتنى
    ... ;) ,,, ;) ...

    ردحذف
  19. الله ياغاده والله زى ماتعودت عليكى مبدعه واحساسك جميل اوى وعشت فيه وحسيتك اوى
    كتير مننا بيمر بظروف وغصب عنه بيتغير او احساسك بالحب او القبول ناحيه حد بيتغير زى ما بيكون لا مبالاة باللى حواليكى
    تسلمى يا دودو ياقمرايه

    ردحذف
  20. امى مونى ...

    اخييييييييرا نورتينى ياكوكو تانى بجد وحشاى اوى
    ووحشتنى تعليقاتك ... الله ياخد الامتحانات اللى بتبعدنا كده
    اهو انتم السابقون ونحن اللاحقون ههههههههههه
    ميرسى اوى على احلى كلام
    ربنا يوفقك يارب ..
    ... ;) ,,, ;) ...

    ردحذف
  21. فارجع كما كنت ْ .. وكما عهدتك َ ...

    إجعل جميع حواسك تردد إسمي بسعاده ...

    وعُد بكلماتك ومشاعرك الدافئه بكل شجاعه ...

    وبنبرة صوتك التى تشعرني بالأمان بكل بساطه ...

    كُن قويا ً و تصدى العواصف الهدامه ...

    فحينها سأقول لك حمدلله على السلامه ...

    فهكذا عهدتك َ أنا بكل ِ أمانه...

    هو لو مارجعش بعد الكلام الجميل ده يبقى يستاهل الضرب أصلا
    هههههههه
    بجد ما شاء الله عليكي

    ردحذف
  22. تغيرنا الحياه

    وتغيرهم

    وتترك اثارها علينا

    وعليهم!

    لذا فمن منا

    يبقى كما هو!

    خاطره جميله :)

    ردحذف
  23. حماده الشريف ...
    هههههههههههههههه

    هو اضرب باين خلاص
    ههههههههه

    بشكرك كتير حماده بجد على تعليقك ...

    منورنى والله ...
    ... ;) ,,, ;) ...

    ردحذف
  24. اقصوصه ...

    والله كلامك صح ...

    بس مش حلو لما نتغير للأسوأ ..
    بشكل سلبى مش ايجابى ...

    بجد بحب تواجدك عندى تسلميلى ياقمرايه ..
    نورتينى ...
    ... ;) ,,, ;) ...

    ردحذف
  25. ما شاء الله . اييييييييييه ده ؟.. اسلوب راقي و ابداع يتجدد .. كتابه احترافيه نمسك الخشب :)

    هما كل المدونين شطار كده ولا ايه ؟ .. أنا يعني اللي وقعت من قعر الأفه :(

    أول مره أزورك بس ان شاء الله مش آخر مره

    و ياريت اتشرف بحضرتك على مدونتي و نتبادل التعليقات
    الرابط
    http://ra7alaat.blogspot.com/

    شكرا لوقتك

    ردحذف
  26. غادة
    البوست ده هادى وجميل
    فيه عتاب راقى وفى نفس الوقت بيخرج أى حد من أزمته من غير ما يحسسه انه فعلا فى مشكلة ...اللى بيحب فعلا بيحس بأى تغيير حتى لو كان فى نبرة الصوت ...بس الحب الحقيقى الصادق بس ...
    بالتوفيق دايما يا غادة

    ردحذف
  27. اسمى احمد .. لو ماخانتنيش الذاكره ..

    اسم مميز على فكره ...

    منورنى بجد بأول زياره ياابو حميد

    وبجد بشكرك كتير على هالاطراء المشجع ...

    واكيد راح نتواصل دائما طول ماهناك ابداع ...
    ... ;) ,,, ;) ...

    ردحذف
  28. شيماء ...

    انتى الاجمل يااحلى شيماء ..

    بجد بحب زيارتك اوى وبتنورنى تعليقك ...

    طبعا كل الكلام ده فى الحب الصادق ووالحقيقى ... بس مش عارفه ليش فى كتير مابيعرفوا يواجهو اى مشاكل بتواجه العلاقه .. مش عارفه وقتها بيكون اصلا بيحب حب صادق ولا لا ...

    بجد نورتينى ...
    ... ;) ,,, ;) ...

    ردحذف
  29. السلام عليكم

    جميل احساسك في استرجاع الحبيب لك كما كان وكما تريدي

    دمتي بكلمات رقيقة

    ردحذف
  30. ياة يا غادة
    تفتكري اللي بيتغير ممكن يرجع زي ما كان ؟
    مش عارفة بجد , بحس نفسي كتير اليومين دول بفكر بتشاؤم شوية لما بكون مع نفسي برغم اني دايما بضحك وبتكلم بشقاوة بس جوايا شيء غريب , لما قريت الكلام ده حسيته اووي, بكتب لك هنا عشان معرفتش اعلق علي الفيس بوك زي هنا

    ردحذف
  31. مبروك النصر لمصر
    دائما هي فوق القمة

    ردحذف
  32. ذكرى رحيل قلم ...

    وعليكم السلام ورحمه الله وبركاته ...

    تسلمى ياقمرايه بجد على احلى كلمات ..

    وتواجدك بجد بينورنى ...

    تحياتى
    ... ;) ,,, ;) ...

    ردحذف
  33. انا صااااااااااااااااااااااااااحي ياغاده


    عارفه الرقم صح لو تهتي اتصلي بيا اجي اخدك مستنيينك بكره انش اء الله

    ردحذف
  34. رحاب صالح ..

    اول شى انتى تعلقى فى المكان اللى انت عايزاه ياعسوله انتى ...

    فى ناس بتتغير للاحسن وفى للاسوأ للاسف ... وصعب احيانا يرجع زى ماكان بسبب ظروف بتبقى حواليه هو مش قادر يواجهها ...

    بس انتى عسوله طول عمرك وماتحطيش فى بالك انك بتفكرى بتشاؤوم ولا حاجه ..
    انتى زى الفل والله .. وكل اللى يتغير بيتغير على نفسه ..

    نورتينى يااحلى رحاب
    ... ;) ,,, ;) ...

    ردحذف
  35. وليد باشااااااا ...

    طيب كويس انك صاحى والله انا قولت خلاص انت نمت اكيد ...

    اه انا سجلت الرقم عندى ...
    تسلم ان شاء الله
    انا مستنيه بكره بفارغ الصبر والله ...

    بس يارب كلكو تكونوا هناك من عشره عشان الحق اشوفكم كلكم
    ... ;) ,,, ;) ...

    ردحذف
  36. محمد عبد الرحمن شحاته ...

    الف الف مبروووك لمصر ياباشا
    ودايما مبسوطين ان شاء الله وفى العلالى
    ... ;) ,,, ;) ...

    ردحذف
  37. May I invite you to check this link
    http://shayunbiqalbi.blogspot.com/2010/01/blog-post_28.html
    قال تقرير صادر عن منظمة الضمير لحقوق الإنسان المختصة بالمخاطرالبيئية والصحية الناجمة عن القصف والغزو كشفت أن حوادث الأطفال الذين ولدوا مع تشوهات قد ارتفعت بشكل ملحوظ في قطاع غزة.

    ردحذف
  38. drsonnet ...

    هلا والله

    اكيد راح اشوف اللينك
    نورتنى
    ... ;) ,,, ;) ...

    ردحذف